Мавзу: Жисмоний сифатлар ва уларни ривожлантириш методикаси

Mushak kuchini o’lchash. Mushak yoki tananing kuchi dinamometrlar bilan o’lchanadi. Panja mushaklari kuchini o’lchash uchun qo’l dinamometri mak­si­mal darajada qisiladi va muayyan shkaladagi ko’rsatkich yozib olinadi. Bel (umurtqa pog’onasi) kuchi esa “Stanovoy dinamometr” bilan o’lchanadi.
Qo’l kafti dinamometri uchun maksimal o’lchovi hajmi 90 kg gacha, “Stanovoy dinamometri”ni o’lchov imkoniyati 300 kg.gachadir.
Ushbu slaydda biz M.S.Abramov (1990)ning Respublikamizning yoshlari, (yigitlari va erkaklari) uchun ishlangan kuch me’yorlarini e’tiboringizga havola qilamiz.
O’lchov natijasiga ko’ra kaftingiz kuchi 65 dan 90 kg.gacha bo’lsa, “a’lo” darajadagi kuchga egasiz; 51-64 kg.gacha bo’lsa kuchingizni rivojlanganligi “yaxshi” deb baholanadi; 39 dan 50 kg.ga bo’lsa “qoniqarli” darajadagi kuchga egasiz. 39 kg.dan past bo’lsa, kuch imkoniyatingizni darajasi “qoniqarsiz” deb hisoblashingiz lozim bo’ladi.
Ayollar bunday baholarni olish uchun erkaklarnikidan 15-20 kg.gacha kam bo’lgan natija ko’rsatsalar qayd qilingan jismoniy sifatlari talab darajasida deb qarilishi lozim.
Umurtqa pog’onasining kuchi odatda individ uchun kuch imkoniyatining chegarasi yoki chegara oldi darajasida kuch sarflashi bilan aniqlanadi. Kam haraktlanish odatiga rioya qiluvchilar(aqliy faoliyat sohiblari)lar, chegara va chegara oldi kuch o’lchovi paytida yoki keskin kuch sarflash holatiga duch kelganlarida ehtiyot choralarini ko’rishlari lozim.
O’lchashda avvaliga umurtqa pog’onasi atrofidagi mushaklarini chegara va chegara oldi kuch sarflashlarning o’lchoviga tayyorlashdan erinmasliklari tavsiya qilinadi. O’lchovning natijalari orqali umurtqa pog’onasi kuchi 155 kg.dan 200 kg.gacha bo’lsa, “a’lo”, 110 dan – 154 kg.gacha bo’lsa “yaxshi”, 70 dan – 109 kg.gacha bo’lsa “qoniqarli” bahoga ega bo’lgan kuch sohibi, 70 kg.dan past bo’lgan ko’rsatkich sohibiga “qoniqarsiz” baho qo’yish tavsiya qilinmoqda.