Oliy va o‘rta maxsus ta’lim vazirining 2019-yil 5-oktabrdagi “Oliy ta’lim muassasalari talaba-yoshlari o‘rtasida “O‘zbekiston yoshlari buzg‘unchi g‘oyalarga

Oliy va o‘rta maxsus ta’lim vazirining 2019-yil 5-oktabrdagi “Oliy ta’lim muassasalari talaba-yoshlari o‘rtasida “O‘zbekiston yoshlari buzg‘unchi g‘oyalarga qarshi” mavzusida “Eng yaxshi maqola” nominatsiyasidagi respublika tanlovini o‘tkazish haqida”gi 894-sonli buyrug‘i ijrosini ta’minlash to‘g‘risida
O‘zbekiston Respublikasi Oliy va o‘rta maxsus ta’lim vazirligi tomonidan O‘zbekistan yoshlar ittifoqi Markaziy Kengashi bilan kelishilgan holda ishlab chiqilgan “O‘zbekiston Respublikasi Oliy va o‘rta maxsus ta’lim vazirligi tizimida
2019-yilda yoshlarga oid davlat siyosatini amalga oshirish bo‘yicha chora-tadbirlar dasturi”ning 7-bandi hamda Oliy va o‘rta maxsus ta’lim vazirining 2019-yil 5-oktabrdagi 894-sonli buyrug‘i ijrosini ta’minlash maqsadida
B U Y U R A M A N:

1. 
   Oliy va o‘rta maxsus ta’lim vazirining 2019-yil 5-oktabrdagi 894-sonli buyrug‘i ma’lumot va ijro uchun qabul qilinsin.
   
2. 
   Universitet talaba-yoshlari o‘rtasida “O‘zbekiston yoshlari buzg‘unchi g‘oyalarga qarshi” mavzusida “Eng yaxshi maqola” nominatsiyasidagi tanlovning universitet bosqichini o‘tkazish bo‘yicha Tashkiliy qo‘mita tarkibi 1-ilovaga, tanlov Nizomi
   2-ilovaga muvofiq tasdiqlansin.
   
3. 
   Prorektorlar, fakultet dekanlari va bo‘lim boshliqlariga:
   

– talaba-yoshlar o‘rtasida tanlovning mazmun-mohiyatini keng targ‘ib qilish hamda universitetning veb-saytida tanlov haqida materiallar berib borish;

– “O‘zbekiston yoshlari buzg‘unchi g‘oyalarga qarshi” mavzusida “Eng yaxshi maqola nominatsiyasidagi tanlovning birinchi va ikkinchi bosqichlarini Nizom talablariga muvofiq yuqori saviyada o‘tkazish, tanlov g‘oliblarini rag‘batlantirish hamda ularning ota-onalariga “Tashakkurnoma”lar yetkazish;

– tanlovning ikkinchi bosqichi g‘oliblarining ijodiy ishlarini o‘rnatilgan tartibda vazirlik Tashkiliy qo‘mitasiga taqdim etish vazifalari yuklatilsin.

4. Ushbu buyruq ijrosining nazorati ma’naviy-ma’rifiy ishlar bo‘yicha prorektor v.v.b A.Sobirov zimmasiga yuklatilsin.
Rektor Sh.Sirojiddinov

Loyiha kiritdi: ___________________J.Mirzayev

Kelishildi: _______________________A.Sobirov ___________________Z.Abdirashidov Yuriskonsult _____________________T.Tojibayev

Universitetning 2019-yil “___-” __________ dagi ________-sonli buyrug‘iga 1-ilova
“O‘zbekiston yoshlari buzg‘unchi g‘oyalarga qarshi” mavzusida “Eng yaxshi maqola” nominatsiyasidagi tanlovning universitet bosqichini

o‘tkazish bo‘yicha Tashkiliy qo‘mita

TARKIBI

1.	A.Sobirov	‒	ma’naviy-ma’rifiy ishlar bo‘yicha prorektor v.v.b, tashkiliy qo‘mita raisi
2.	J.Mirzayev	‒	Yoshlar bilan ishlash, ma’naviyat va ma’rifat bo‘limi boshlig‘i, tashkiliy qo‘mita raisi o‘rinbosari
3.	Y.Eshmatova	‒	universitet murabbiylar kengashi raisi, a’zo
4.	G.Jo‘rayeva	‒	universitet xotin-qizlar qo‘mitasi raisi, a’zo
5.	J.Aminov	‒	Bosh hisobchi, a’zo
6.	J.Norqo‘ziyev	‒	O‘zbek tili va adabiyotini o‘qitish fakulteti yoshlar bilan ishlash bo‘yicha dekan o‘rinbosari, a’zo
7.	A.Qurbonov	‒	O‘zbek filologiyasi fakulteti yoshlar bilan ishlash bo‘yicha dekan o‘rinbosari, a’zo
8.	Sh.Xalilov	‒	O‘zbek-ingliz tarjima fakulteti yoshlar bilan ishlash bo‘yicha dekan o‘rinbosari, a’zo
9.	O.Olimjonov	‒	O‘zbekiston yoshlar ittifoqi universitet boshlang‘ich tashkiloti yetakchisi, a’zo

Universitetning 2019-yil “___-” __________ dagi ________-sonli buyrug‘iga 2-ilova

“O‘zbekiston yoshlari buzg‘unchi g‘oyalarga qarshi” mavzusida “Eng yaxshi maqola” nominatsiyasidagi tanlovning universitet bosqichini o‘tkazish bo‘yicha hakamlar Hay’ati

TARKIBI

1.	Abdullayeva Marg‘uba	Adabiyot o‘qitish metodikasi kafedrasi mudiri, hakamlar Hay’ati raisi
2.	Saparniyozova Muyassar	O‘zbek tilshunosligi kafedrasi dotsenti, hakamlar Hay’ati raisi o‘rinbosari
3.	Mavlonova Klara	Adabiyot o‘qitish metodikasi kafedrasi, pedagogika fanlari bo‘yicha falsafa doktori, a’zo
4.	Niyozmetova Ro‘za	Adabiyot o‘qitish metodikasi kafedrasi professori, a’zo
5.	Saidrahimova Nasiba	O‘zbek tilshunosligi kafedrasi dotsenti, a’zo
6.	Ahmedova Nargiza	O‘zbek tilshunosligi kafedrasi dotsenti, a’zo
7.	Ahmedov Hoshimjon	Adabiyot o‘qitish metodikasi kafedrasi dotsenti, a’zo

Universitetning 2019-yil “___-” __________ dagi ________-sonli buyrug‘iga 3-ilova
“O‘zbekiston yoshlari buzg‘unchi g‘oyalarga qarshi” mavzusida
“Eng yaxshi maqola” nominatsiyasidagi tanlovning

NIZOMI



I. Umumiy qoidalar

1. 
   Mazkur tanlov O‘zbekiston Respublikasi Oliy va o‘rta maxsus ta’lim vazirligi tomonidan O‘zbekiston yoshlar ittifoqi Markaziy Kengashi bilan kelishilgan holda ishlab chiqilgan “O‘zbekiston Respublikasi Oliy va o‘rta maxsus ta’lim vazirligi tizimida 2019-yilda yoshlarga oid davlat siyosatini amalga oshirish bo‘yicha chora-tadbirlar dasturi”ning 7-bandida belgilangan vazifalar ijrosini ta’minlash maqsadida tashkil etiladi.
   
2. 
   “O‘zbekiston yoshlari buzg‘unchi g‘oyalarga qarshi” mavzusida “Eng yaxshi maqola” nominatsiyasidagi tanlovida universitetda tahsil olayoggan talabalar o‘zlarining ijodiy ishlari bilan ishtirok etadi.
   
3. 
   Tanlov “Eng yaxshi maqola” yo‘nalishida o‘tkaziladi.
   
4. 
   Tanlovning universitet bosqichlarini tashkil etish va o‘tkazish jarayoni Yoshlar bilan ishlash, ma’naviyat va ma’rifat bo‘limi tomonidan amalga oshiriladi.
   

II. Tanlovning maqsadi va vazifalari

1. 
   Tanlovning asosiy maqsadi – yoshlar o‘rtasida ijtimoiy-siyosiy vaziyatning barqarorligini ta’minlash, ularni turli ekstremistik oqimlarga qo‘shilib ketishining oldini olish, universitetda tahsil olayotgan yoshlarni dunyoviylik, vatanparvarlik ruhida tarbiyalashga qaratilgan amaliy chora-tadbirlar va ma’naviy-ma’rifiy ishlarning ta’sirchanligini oshirish, yoshlarimizni har tomonlama sog‘lom va barkamol etib tarbiyalash, o‘z iqtidorlarni namoyish etishlari uchun shart-sharoitlar yaratish hamda mustaqil va erkin fikrga ega iste’dodli yoshlarni qo‘llab-quvvatlashdan iborat.
   

2.2.Tanlovning vazifalari quyidagilardan iborat:

– yoshlar o‘rtasida ijtimoiy-siyosiy vaziyatning barqarorligini ta’minlash, ularni turli buzg‘unchi g‘oyalarga qo‘shilib ketishining oldini olish;

– universitetda yoshlarni dunyoviylik, vatanparvarlik ruhida tarbiyalashga qaratilgan amaliy chora-tadbirlar va ma’naviy-ma’rifiy ishlarning ta’sirchanligini oshirish;

– yoshlarimizni har tomonlama sog‘lom va barkamol etib tarbiyalash, o‘z iqtidorlarni namoyish etishlari uchun shart-sharoitlar yaratish hamda mustaqil va erkin fikrga ega iste’dodli yoshlarni har tomonlama rivojlantirish;

– yoshlarda yot ta’sirlarga qarshi mustahkam immunitetni shakllantirish;

– chora-tadbirlar dasturining mazmun-mohiyati targ‘iboti ta’sirchanligini oshirish;

– yosh avlodni har tomonlama yetuk, yuksak ma’naviyatli, intellektual salohiyatli, ota-onasiga, Vataniga sadoqatli insonlar qilib tarbiyalash;

– “O‘zbekiston yoshlari buzg‘unchi g‘oyalarga qarshi” mavzusida “Eng yaxshi maqola” nominatsiyasidagi talabalarning ijodiy ishlarini keng jamoatchilikka yetkazish.
Ш.Tanlovni o‘tkazish bosqichi va muddatlari

1. 
   “O‘zbekiston yoshlari buzg‘unchi g‘oyalarga qarshi” mavzusida “Eng yaxshi maqola” nominatsiyasidagi tanlov uch bosqichda o‘tkaziladi.
   

Birinchi bosqich – fakultetlar akademik guruhlari talabalari o‘rtasida joriy yil oktabr oyining ikkinchi o‘n kunligida o‘tkaziladi.

Ikkinchi bosqich – fakultetlararo ularning g‘oliblari o‘rtasida noyabr oyining birinchi o‘n kunligida o‘tkaziladi.

Uchinchi bosqich (yakuniy) – respublika oliy ta’lim muassasalari g‘oliblari o‘rtasida joriy yil dekabr oyining birinchi o‘n kunligida o‘tkaziladi.
IV. Tanlovni tashkil etish va o‘tkazish

1. 
   Tanlovning birinchi va ikkinchi bosqichini o‘tkazish bo‘yicha universitet rektori buyrug‘i bilan Tashkiliy qo‘mita va soha professor-o‘qituvchilari, olimlari, mutaxassislari, jamoat tashkilotlari vakillaridan iborat tarkibda hakamlar Hay’ati tuziladi.
   

– Talabalar tomonidan yo‘nalishlar buyicha tayyorlangan ijodiy ishlar fakultetlar va universitet kesimida tuzilgan hakamlar Hay’ati tomonidan tanlov shartlari va mezonlari asosida baholanadi.

2. 
   Tanlovning uchinchi bosqichni tashkil etish va o‘tkazish Oliy va o‘rta maxsus ta’lim vazirligi qoshida tashkil etilgan tashkiliy qo‘mita tomonidan amalga oshiriladi. Tanlovning yakuniy bosqichi g‘oliblarini aniqlash bo‘yicha Hakamlar hay’ati tuziladi. Hay’at tarkibiga soha bo‘yicha yetuk mutaxassislar jalb etiladi.
   

V.Tanlov shartlari va baholash mezonlari

1. 
   Tanlovga taqdim etiladigan ijodiy ishlar quyidagi mezonlarda baholanadi:
   

– mavzuning mazmun-mohiyati to‘laqonli ochib berilganligi;

– ijodiy ishlarning stilistik va gramatik jihatdan to‘g‘ri yozilganligi;

– mavzuni yoritishda adabiyotlardan foydalanganlik darajasi va tahliliy yondashuvlar, mustaqil fikrlarning aniq bildirilganligi;

– mavzuni yoritishga o‘ziga xos ijodkorlik xususiyatlari ifoda etilganligi;

– mavzuni yoritishda hayotiy misollardan keng foydalanilganligi;

– mavzuga oid dolzarb masalalar, ularning yechimlari to‘g‘risida takliflar keltirilganli;

– ijodiy ishlar hajmi 8-10 betdan kam bo‘lmasligi;

– ijodiy ishlarda kalit so‘zlar, o‘zbekcha, ruscha va inglizcha annotatsiyalarning mavjudligi.

2. 
   Har bir mezon 10 ballik tizim asosida baholanadi (jami 80 ball) hamda maqolalar talabalar tomonidan yozma shaklda bayon etiladi.
   

6. 
   Hujjatlarni taqdim etish tartibi
   

1. 
   Respublikadagi oliy ta’lim muassasalarida g‘olib bo‘lgan, 1- va
   2-o‘rinni egallagan talabalarning hujjatlari (OTM Tashkiliy qo‘mitasi bayonnomasi va qarori, g‘olib bo‘lgan talabaning ijodiy materiallari va 10x15 hajmdagi fotosurati) Respublika Tashkiliy qo‘mitasiga joriy yilning 25-noyabriga qadar taqdim etiladi. Ijodiy ishlar elektron pochta orqati qabul qilinmaydi.
   
2. 
   Tanlovga taqdim etiladigan ijodiy ish (o‘zbek, rus yoki ingliz tillarida) kompyuter Word dasturida, Times New Roman 14 shriftida, 1 intervalda, chapdan 30 mm, o‘ngdan 15 mm, yuqori va pastdan 25 mm joy qoldirgan holda yozilgan bo‘lishi hamda matnlar ilmiy, texnik, stilistik tahrir qilingan bo‘lishi shart. Yozma materiallarning
   1-nusxasida talabalarning o‘qish joyi, fakulteti, kursi va ta’lim yo‘nalishi to‘liq ko‘rsatiladi, 2-nusxasida o‘qish joyi, fakulteti, kursi va ta’lim yo‘nalishi ko‘rsatilmaydi.
   
3. 
   Yuqoridagi talablarga javob bermaydigan ijodiy ishlar qabul qilinmaydi.
   

VII. Tanlov g‘oliblarini taqdirlash

1. 
   Tanlovning birinchi va ikkinchi bosqichida yukori (1-, 2-, 3-) o‘rinni egallagan talabalar universitet tomonidan maxsus diplom va qimmatbaho sovg‘alar, shuningdek, tanlovda faol ishtirok etgan talabalar universitetning faxriy yorliqlari bilan taqdirlanadi. Yuqori (1-, 2-, 3-) o‘rinni egallagan talabalarning ijodiy ishlari universitet gazeta va jurnallarida yoritiladi.
   
2. 
   Tanlovning har bir yo‘nalishi bo‘yicha uchinchi bosqichda g‘olib bo‘lgan talabalar quyidagi tartibda pul mablag‘lari bilan rag‘batlantiriladi:
   

– “O‘zbekiston yoshlari buzg‘unchi g‘oyalarga qarshi” mavzusida “Eng yaxshi maqola” nominatsiyasidagi ijodiy ishlar:

1-o‘rin – 7 000 000 (yetti million) so‘m;

2-o‘rin – 5 000 000 (besh million) so‘m;

3-o‘rin – 3 000 000 (uch million) so‘m.

Shuningdek, g‘olib talabalar Oliy va o‘rta maxsus ta’lim vazirligining maxsus diplom va faxriy yorlig‘i bilan taqdirlanadi. Talabalarning eng sara ijodiy ishlari Respublika gazeta va jurnallarida yoritiladi hamda alohida to‘plam shaklida nashr etiladi.