Мавзу: ЎҚитувчилар жамоасини бошқариш психологияси

Tadqiqotning vazifalari:

• 
  o’quv muassasalarida pedagogik jamoa xususiyatlarini o’rganish;
  
• 
  pedagogik jamoada shaxslararo muloqot bo’yicha psixologik test metodikalarini to’plash;
  
• 
  tajriba guruhlarida test, anketa va boshqa diagnostik metodlarni qo’llash;
  
• 
  pedagogik jamoani boshqarish xususiyatlarini o’rganish va bu sohada psixodiagnostik ishlar, tajribalar, treninglar o’tkazish;
  
• 
  olingan natijalar asosida ilmiy va amaliy xulosalarni chiqarish.
  

Tadqiqotning ilmiy yangiligi: bugungi kunga qadar o’qituvchilar jamoasini boshqarish va o’qituvchilarning shaxslararo muloqoti psixologiyasi sohasida respublikamizda ko’plab ilmiy va amaliy ahamiyatga ega tadqiqotlar yaratilgan. Ammo, ma’lum bo’lishicha, o’qituvchilarning kasbiy motivlari haqida biz oz bilimga egamiz, ularni boshqarishda qiyinchiliklarga duch kelmoqdamiz. Pedagogik jamoadagi sifat darajasining pastligi yoki kadrlar almashinuvining intensivligi, rahbarlarda boshqaruv qobiliyati hamda madaniyatining yetishmasligi ta’lim-tarbiya jarayoniga ham bevosita ta’siri ko’rsatmoqda. Muloqot, boshqaruv, liderlik psixologiyasi diagnostikasi bo’yicha hozirgi kungacha mavjud tadqiqot va metodikalar diqqatga sazovor bo’lishi bilan birga, bu sohaning boshqa ilg’or usullari hamda zamonaviy chet el metodikalaridan foydalanish uchun yangi tadqiqotlarni olib borish lozim.
Tadqiqot metodlari: eksperimental metod, test metodi, anketa, sosiometriya, suhbat, ko’zatish, pedagogik tajriba, qiyoslash, nazariy tahlil.
Tadqiqotning metodologik asosi: tadqiqotimizning metodologik asosi bo’lib, O’zbekiston Respublikasi «Ta’lim to’g’risida»gi Qonuni, «Kadrlar tayyorlash milliy dasturi» hamda R.S. Nemov, Ye.D. Rogov, respublikamizning yetuk mutaxassis olimlari Z.T. Nishonova, E.G’. G’oziyev, G’.B. Shoumarov,
V.M. Karimova, M. Maxsudovalarning tadqiqotlari hisoblanadi.