Мавзу: ЎҚитувчилар жамоасини бошқариш психологияси

Tadqiqotning maqsadi: butun respublikamizda ta’lim sifatini oshirish, uni jahon miqyosida oldingi o’rinlarga olib chiqish uchun kelajak avlodni yetishtirib beruvchi kuch – pedagoglar jamoasini mukammal darajaga yetkazishimiz zurur. Buning uchun bo’lajak pedagoglarni, ya’ni talabalarni yuqori ta’lim texnologiyalari bilan ta’minlash, ularda ruhiy va ilmiy potensialni oshirish kerak. Ikkinchidan, ta’lim muassasasiga qabul qilinayotgan kadrlarni to’g’ri tanlash, kasbiy diagnostikadan o’tkazish va ish jarayonida ularni jamoaga jipslashtirish lozim. Bu ishlarni amalga oshirish uchun o’qituvchilar jamoasida yuz beradigan yutuq va kamchiliklarni aniqlash, shaxslararo muloqotdagi nuqsonlarni korreksiyalash, pedagogik jamoani boshqarishning samarali psixologik metodlarini ishlab chiqish tadqiqotning maqsadi qilib belgilandi.
Tadqiqotning obyekti: tadqiqot obyekti sifatida bo’lajak o’qituvchilar, maktab o’qituvchilari jamoasi, akademik lisey va kasb-hunar kollejlari pedagogik jamoasi hamda oliy o’quv yurtlari pedagogik jamoalari tanlandi.
Sinov maydoni – Samarqand shahridagi 14-umumta’lim maktabi o’qituvchilari jamoasi (45 nafar).
Tadqiqotning predmeti: pedagogik jamoalar va ularning boshqaruv tizim.
Tadqiqotning ilmiy farazi: pedagogik jamoa va pedagogik faoliyatning quyidagi qirralarini o’rganish ta’lim-tarbiya jarayonining samaradorligini oshirishga xizmat qiladi:

• 
  o’quv muassasasida pedagogik, kasbiy faoliyatni baholash;
  
• 
  pedagogning shaxsiy kasbiy yo’nalishini baholash;
  
• 
  pedagogik jamoada empatik qobiliyatni aniqlash;
  
• 
  pedagoglarning o’zaro kommunikativliligini aniqlash;
  
• 
  psixologik iqlimni baholash;
  
• 
  jamoani boshqarish tipini va liderning jamoaga ta’sirini aniqlash.