Мавзу: Илк ўзбек алифбосининг вужудга келиши

Bo‘g‘in ko‘chirish qoidalari. Bu bo‘limda bir satrga sig‘may qolgan so‘zlarni bo‘g‘inga ajratib yozish qoidalari jamlangan. Masalan:
1. So‘zning birinchi bo‘g‘ini bir harfdan iborat bo‘lsa, o‘sha harfning yolg‘iz o‘zi birinchi satrda qoldirilmaydi, bu hol so‘zning ohirgi bo‘g‘iniga nisbatan ham qo‘llanadi. Bunday bo‘g‘inlar oldingiyoki keyingi bo‘g‘inga qo‘shib ko‘chiriladi: o-tamiz emas, ota-miz kabi.
2. Ajratilmay aytiladigan bir tovushi bildiruvchi “ng” harfi birinchi satrga sig‘may qolgan bo‘g‘inning oxirida kelsa, shu bo‘g‘indagi boshqa harflar bilan birga ikkinchi satrga ko‘chiriladi: taran-groq emas, ta-rangroq yoki tarang-roq kabi.
3. So‘zlarning birinchi harflaridan tuzilgan qisqartma otlar va ko‘p sonli raqamlar ikkinchi satrga bo‘lib ko‘chirilmaydi.
Bosh harflar imlosi. Bosh harflarning ajratilishi, farqlanishi va imlosining ishlatilish yozuv taraqqiyoti, yozuv madaniyati rivoji bilan bog‘liq.
Bosh harflarning ajratilishi hayotiy ehtiyoj, yozuvdagi ma’noli qismlarni ajratish, chegaralash, tushunchalarni bir-biridan farqlash kabi sabablar bilan bog‘liq. Bosh harf bilan yozish qoidalari asosiy hollarda atoqli otlarga (Karim), muhim tarixiy voqea (Oktabr to‘ntarishi), muhim sana nomlarini yozishga (8-Mart), hurmatni ifodalashda (Siz), yuqori darajadagi unvon (О‘zbekiston Qahramoni), mansab (Bosh Prokuror) kabilarni yozishga nisbatan qo‘llaniladi.
O‘zbek-lotin yozuvining imlo qoidalari 1995-yilning 24-avgustida О‘zbekiston Respublikasi Vazirlar Mahkamasining 339-sonli qarori bilan tasdiqlangan va shu yili "О‘zbek tilining asosiy imlo qoidalari" nomi bilan kitobcha shaklida nashr qilingan. U quyidagi 7 bo‘limni o‘z ichiga oladi:
1. Harflar imlosi:
a) unlilar imlosi (1-7-qoidalar);
b) undoshlar imlosi (8-32-qoidalar).
2. Asos va qo‘shimchalar imlosi (33-37-qoidalar).
3. Qo‘shib yozish (38-50-qoidalar).