Мавзу: Илк ўзбек алифбосининг вужудга келиши

Ayrim harflar imlosi. (1-30-§ qoidalar).

О‘zak-negiz va qo‘shimchalar imlosi (31-55-§ qoidalar).

Qo‘shma so‘z va so‘z birikmalari imlosi (56-58-§ qoidalar).

Bo‘g‘in ko‘chirilishi (59-62-§ qoidalar).

Bosh harflarning yozilishi (63-72-§ qoidalar).

Ayrim harflar imlosida unli va undosh tovushlarni aks ettiruvchi har bir harf sharhlanadi. Masalan: i harfi quyidagicha tavsiflanadi: I bir, biz, bil kabi so‘zlarda qisqa aytiladigan “i” unlisi o‘rnida, muhit, lirika kabi so‘zlarda cho‘ziqroq aytiladigan “i “ unlisi o‘rnida yoziladi. Bilan, biroq, sira kabi so‘zlarning birinchi bo‘g‘inida “i” tovushi juda qisqa aytilsa ham shu tarzda yoziladi. Fikr, zikr, qism, jism kabi o‘zlashma so‘zlardagi oxirigi undoshdan oldin “i” aytilsa ham, arab yozuvi an’anasiga ko‘ra yozilmaydi.
So‘z o‘zagining oldingi ochiq bo‘g‘inida lablanmagan old qator unlilari i, e, a dan biri bo‘lsa, keyingi yopiq bo‘g‘inda “i” yoziladi: keyin, ivit; va hokazo.
I unlisidan tashqari, u, o, a, e, o‘ unlilarning imlosi ham so‘zlarda o‘ziga xosligi bilan ajralib turadi.
Shuningdek, undoshlarning yozuvdagi grafik tasviri ham o‘ziga xos. Masalan: jurnal, ekipaj, bogaj, garaj kabi o‘zlashma so‘zlardagi sirg‘aluvchi undosh ham j tarzida yoziladi. Ajrab, mujda, sajda kabi so‘zlarda qo‘llangan sirg‘aluvchi undosh ham j harfi orqali yoziladi. Bu o‘rinda biz faqat i unlisining yozilishi xususida to‘xtaldik.
О‘zak-negiz va qo‘shimchalar imlosida so‘z va unga qo‘shimcha qo‘shilishi bilan bog‘liq imlo qoidalari sharhlanadi. Masalan: ulug‘ so‘ziga -ay qo‘shimchasi qo‘shilganda, talaffuzda o‘zak tarkibidan keyingi u tushib qoladi va bu so‘z shu tartibda yoziladi. Ya’ni: ulg‘ay va hokazo.
Qo‘shma so‘z va so‘z birikmalari imlosi. Bu bo‘limda rus grafikasiga asoslangan o‘zbek yozuvida qo‘shma so‘z va so‘z birikmalarining yozilish qoidalari sharhlanadi. Masalan: bir urg‘u bilan aytiluvchi va bir tushunchani anglatuvchi ko‘zoynak, oshqozon tipidagii qo‘shma so‘zlar qo‘shib yoziladi va hokazo.