Mavzu. Bozor sharoitlarida sifat va raqobatbardoshlik. 1 Sifat XXI asr bo’sag’asida raqobatning umumjahon maydoni

Ishni yaxshilash bo'yicha yutuqlarni e'tirof etish. Ishni yaxshilash dasturlari bo'yicha yutuqlarni tan olish tizimlari juda xilma - xil bo'lishi mumkin. Ular oylik va kvartallik tanlovlarni o'tkazish, katta bo'lmagan mukofotlarni berish, yuqori rahbariyat bilan hamkorlikda tushliklarni tashkil qilish, guvohnomalar berishni ko'zlaydi. Ishni yaxshilash dasturi rahbariyatni xodimlarni taqdirlash uchun asos bo'ladigan axborot bilan ta' minlaydi.
Tuzatish tadbirlarini o'tkazishga ariza. Ko'pincha xodim paydo bo'lgan muammoni qanday hal qilishni bilmaydi. Bunday vaziyatlarda unga rahbarga murojaat qilish tavsiya etiladi, biroq ba'zan bu kutilgan samarani bermaydi va xodim shunchaki o'zining rahbariga murojaat qilishni xohlamay qoladi.
Muammolarni o'z vaqtida aniqlashning o'ta samarali vositasi bo'lib tuzatish tadbirlarini o'tkazishga ariza berish hisoblanadi. Muammoga duch kelgan xodim arizani to'ldirishi va uni sifatni ta'minlash bo'limiga yuborishi mumkin. Xodim arizasini imzolashi yoki uni anonim (benom) tarzda jo'natishi mumkin. Sifatni ta'minlash bo'limi uning arizasini tegishli bo'linmaga yuboradi. Agar ariza imzolangan bo'lsa, uni taqdim qilgan xodimga tuzatish tadbirlarining rejasi tayyor bo'lgani xabar qilinadi.
Xizmatlarni tan olish va mukofotlash. Quyidagi oltita asosiy vazifa hal qilinsa, tan olish jarayoni samara beradi:

1. 
   Yuqori natijalarga erishgan xodimlarning keyingi ijodiy faoliyatini qo'llab - quvvatlash maqsadida ularning mehnatini tan olish.
   
2. 
   Tashkilotning yuqori mehnat natijalariga munosabatini namoyish qilish.
   
3. 
   Tan olingan alohida ishchilar mehnatining natijalarini hammaga ma'lum qilib, tan olish jarayonidan maksimal samara olish.
   
4. 
   Xodimlar xizmatini tan olishning turli shakllarini qo'llash.
   
5. 
   Tan olishning mos shakli orqali jamoaning ruhiyatini ko'tarish.
   
6. 
   Rahbariyatning maqsadiga aylangan mehnat faolligini oshirish.
   

Tan olishning quyidagi asosiy shakllari farqlanadi: 1) moddiy
rag'batlantirish; 2) pul mukofotlari; 3) alohida shaxsning jamiyat tomonidan tan olinishi; 4) guruhning faoliyatini jamiyat tan olishi; 5) boshqarma tomonidan shaxs yutug'ining e'tirof etilishi.