Mavzu: Boshlang’ich sinf drslarini integratsiya va innovatsion tizimi Reja: kirish I bob. Boshlang’ich ta’limda integrativ yondashuv asosida o’qitishga qo’yilgan talablar

Mavzu: Boshlang’ich sinf drslarini integratsiya va innovatsion tizimi
Reja:
KIRISH
I BOB. BOSHLANG’ICH TA’LIMDA INTEGRATIV YONDASHUV ASOSIDA O’QITISHGA QO’YILGAN TALABLAR

1. 
   Integralli ta’limni tashkil etishga qo’yiladigan talablar
   
2. 
   Boshlang’ich maktabda integratsiyalashgan ta’limning o’ziga xos xususiyatlari
   

II BOB. BOSHLANG’ICH TA’LIMDA FANLARNI INTEGRATIV VA INNOVATSION YONDASHUV ASOSIDA TASHKIL ETISH YO’LLARI

1. 
   Boshlang’ich ta’limda integratsiya va innovatsion yondashuv metodlari va usullari
   
2. 
   1-sinf ona tili va o’qish savodxonligi darsida “Tabiat ne’matlari” mavzusini o’qitishda tabiiy fanlar bilan integratsiyalash yo’llari
   

XULOSA
FOYDALANILGAN ADABIYOTLAR RO’YXATI

KIRISH
Mavzuning dolzarbligi. O’quv jarayonida fanlar integratsiyasi ya’ni fanlararo aloqadorlik ta’minlangan sharoitda o’quvchilarning egallagan bilimlari samarali rivojlanishi bilan bir qatorda ularning idrok etish qobiliyati, faolliklari, qiziqishlari, aqliy intellektual imkoniyatlari ortishiga erishiladi. O’quv jarayonida fanlararo aloqadorkikni turli o’quv dasturlari, darsliklar mutanosibligini ta’minlovchi didaktik imkoniyat sifatida tushunish lozim.
Binobarin, boshlang’ich ta’lim darslarida fanlararo aloqadorlikni amalga oshirish o’quvchilarning faktlarni tahlil qilish, hodisa va jarayonlarni o’rganishda sabab - oqibat bog’lanishlari mohiyatini tushunish, o’quv fanlari bo’yicha avval o’zlashtirgan bilimlarini yangi vaziyatlarda qo’llashi orqali o’quv materialini ongli o’zlashtirishga erishishga zamin tayyorlaydi, shuningdek, boshlang‘ich sinflarda fanlarni integratsiyalash dars samaradorligini oshiradi, vaqtdan unumli foydalanishga olib keladi, darsni chuqur o’zlashtirishga yordam beradi.
Integratsiya - lotincha “integratio” so’zidan olingan bo’lib, to’liq, yaxlit, bir butun degan ma’nolarni bildiradi.
Integratsiya - fanlararo bilimlarni chuqurlashtirish va ularning mazmuni va mohiyatini asoslash, o‘quvchilarda olamning yaxlitligini, tabiat va jamiyat o’rtasidagi o’zaro aloqadorlikni ochib beruvchi fandir.