Mavzu: 8-sinf geometriyasida “Trapetsiya va uning xossalari” mavzusini o`qitish metodikasi Kurs ishi rahbari: Matematika va uni o’qitish metodikasi kafedrasi dotsenti F. X. Saydaliyeva

FOYDALANILGAN ADABIYOTLAR.............................................


I.KIRISH
Mamlakatimizda hozirgi paytda yoshlarga ta’lim va tarbiya berishga alohida e’tibor qaratilmoqda. Ta’lim-tarbiya hamisha jamiyat taraqqiyotining asosi bo’lgan. Chunki, inson jamiyatdagi barcha munosabatlar, aloqalarning markazida turadi. Fan-texnika va axborotdagi revolyutsiya inson va uning ilmiy-ma’rifiy potensialini ijtimoiy-iqtisodiy taraqqiyotining hal qiluvchi omiliga aylantirdi.
Matematika fanini rivojlanish asoslari, boshqa fanlarni rivojlanishi kabi insoniyat faoliyatining amaliy ehtiyojlaridan kelib chiqadi. Fanning rivojlanishi bu ishlab chiqarishning shakllanishi bilan asoslanadi.
Bugungi kunda matematika ilm-fanni rivojlantirishning ustuvor yo’nalishlaridan biri hisoblanadi. Buni matematikaga oid qabul qilinayotgan qonun va qaror misolida yaqqol ko’rishimiz mumkin. Jumladan, muhtaram Prezidentimiz SH.Mirziyoyev 2020-yil 7-mayda “Matematika sohasidagi ta’lim sifatini oshirish va ilmiy-tadqiqotlarni rivojlantirish chora-tadbirlari” to’g’risida 4708-sonli qarorni qabul qildi.
Qaror doirasida o’tgan davr ichida matematika ilm-fani va ta’limini yangi sifat bosqichiga olib chiqishga qaratilgan qator tizimli ishlar amalga oshirildi:
birinchidan, ilg’or ilmiy markazlarda faoliyat yuritayotgan vatandosh matematik olimlarning taklif qilinishi va xalqaro ilmiy-tadqiqotlar olib borilishi uchun zarur shart-sharoit yaratildi;
ikkinchidan, xalqaro fan olimpiadalarida g’olib bo’lgan yoshlarimiz va ularning murabbiy ustozlari mehnatini rag’batlantirish tizimi etildi;
uchinchidan, oliy ta’lim va ilmiy-tadqiqotlarning o’zaro integratsiyalashuvini ta’minlash maqsadida Talabalar shaharchasida Fanlar akademiyasining V.I.Romanovskiy nomidagi Matematika institutining yangi va zamonaviy binoso barpo etildi. Matematika sohasidagi fundamental tadqiqotlarni moliyalashtirish hajmi bir yarim barobarga oshirildi, budjet mablag’lari hisobidan superkompyuter, zamonaviy texnika va asbob-uskunalar xarid qilindi;