Mavzu №11. Yuqumli ichak kasalliklari, ichak tayoqchasi mikrobiologik xususiyatlari. Ovqatdan zaharlanishni keltirib chiqararuvchi mikroorganizmlar: salmonellez, botulizm

Profilaktika va davosi. Umumiy profilaktikasida davolash muassa-salarida sanitariya-gigiyena qoidalarini qattiq nazorat qilish alohida o‘rin tutadi. Sanitariya maorifi ishlarini olib borish muhimdir. Maxsus profilaktikasida kontaktda bo‘lganlarga salmonelloz polivalent bakteriofagi beriladi. Davosi simptomatik.

5.

OVQATDAN ZAHARLANISH (TOKSIKOINFEKSIYA)

Salmonellalar bilan ifloslangan oziq-ovqatlarni iste’mol qilish natijasida vujudga keladi.

Infeksiya manbai. Kasal hayvon organizmida salmonellalar saqlovchi hayvon, parrandalar hisoblanadi.

Tarqalish yo‘li. Salmonellalar bilan ifloslangan go‘sht, go‘sht mahsulotlari, tuxum, sut, sut mahsulotlarini iste’mol qilganda yuqadi. Ayniqsa, endotoksin to‘plangan va salmonellalar bo‘linib ko‘paygan oziq-ovqatlarni iste’mol qilish xavfli hisoblanadi.

Patogenezi. Tif va paratifoz kasalliklariga o‘xshash. Toksikoz va oshqozon-ichak sistemasi kasalliklarining klinik belgilari yuzaga keladi. Kasallik 4—5 kun davom etadi, ayrim hollarda kasallanib o‘tgan bemorlar bakteriya tashuvchi bo‘lib qoladilar.

Profilaktikasi. Mollar doimo nazorat ostida bo‘lishi, mollar va parrandalarni so‘yish, nimtalash vaqtida sanitariya holatini nazorat qilib turish, shaxsiy va umumiy gigiyena qoidalariga rioya qilishdan iborat.