Bog'liq Ta’lim jarayonida metodik ishlar, ularni rejalashtirish, tashkil etish va tayyorlash metodikasi.
1.2. Metodik ishlar shakllari va ularni rejalashtirish usullari. Metodik ishlarning shakllari xilma-xil ekanligi sababli, ular mazmuni va o‘tkazilish muddatiga ko‘ra aniq rejalashtirilishi kerak. Metodik ishlarni o‘tkazish uchun haftaning ma’lum bir kunini ajratish kerak. .Xuddi shu kunlari seminarlar, amaliyotlar, metodik materiallarni o‘rganish ishlari va hokazolar o‘tkaziladi.
Meodik ishlar uchun ajratilagan kunda boshqa hech qanday tadbir o‘tkazilmasligi lozim. Ta’lim jarayonida metodik ishlarni ikki turga ajratish mumkin. Barcha pedagog xodimlar yoki pedagoglari va o‘qituvchilar bilan o‘tkaziladigan jamoa va ayrim pedagoglari va o‘qituvchilar bilan o‘tkaziladigan shaxsiy shakllar.
Jamoaviy metodik ishlar. Pedagogik kengash - ta’lim jarayonida o‘quv-tarbiyaviy va metodik ishlar bo‘yicha jamoa bo’limi xisoblanadi. Ta’lim jarayonida o‘quv tarbiyaviy jarayonini takomillashtirish; pedagogik faoliyatida fan yutuqlari va ilg‘or pedagogik tajribani joriy qilish; o‘quv va tarbiyaviy ishlar darajasiga pedagog jamoaning mas’uliyatini oshirish; pedagogik jamoaning talabalarini o‘qitish va tarbiyalash jarayonini takomillashtirishga qaratilgan nuqtai nazar va talablarini bir yunalishga solish kabi qator masalalar borki, ularni jamoa bo‘lib ko‘rib chiqish, muhokama qilish talab etiladi.Bu esa pedagogik kengash tuzishni taqoza etadi. Pedagogik kengash tarkibiga barcha o‘qituvchilar va pedagoglar doimiy a’zo qilib kiritiladi. Ularning hammasi kengash ishida faol ishtirok etadilar. Vaqti-vaqti bilan o‘qituvchilarning o‘qitishning yangi metod va shakllarini joriy qilish, o‘quv jarayoniga o‘qitishning texnik vositalarini joriy qilinganligi haqida, eng yaxshi o‘qituvchi pedagoglar hisobatlarini eshitish, va muhokama qilish hamda boshqa ta’lim muassasalari ish tajribalarini o‘rganish kabi va boshqa ishlar amalga oshiriladi. Pedagogik kengash 2-oyda 1-marta chaqiriladi. Pedagogik kengash qarorlarining bajarilishi ustidan nazorat qilish kengash raisiga yuklanadi.
Metodik kengash-o‘quv metodik kabinetidagi tegishli metodik komissiyalarning ishida qatnashishiga jalb qilishi, shuningdek ular bilan individual metodik ishlarni o‘tkazishi kerak. Pedagog kengashning tavsiyasiga binoan shu buyruq bilan har bir komissiyaning raisi tayyorlanadi, raislar odatda Ixtisoslik oliy ma’lumotli, pedagogik ish tajribasiga ega bo‘lgan ancha tajribali o‘qituvchilar yoki ishlab chiqarish ta’limi pedagoglardan tanlanadi. Metodik kengash raisi ishning tashkil etilishiga va uning mazmuniga javob beradi. U kengashning ish rejasini tuzadi, reja asosida rahbarlik qiladi, metodik kengash majlislarini, tayyorlaydi va o‘tkazadi uning qarorlarining bajarilishini ta’minlaydi, kengash a’zolariga metodik yordam ko‘rsatadi, ochiq darslar, seminarlar tashkil etadi va o‘tkazadi, ishlarni hisobga oladi va hisobot ishlarini yo’lga qo‘yyadi. Metodik kengashlarda ta’lim tarbiyaviy ishlar saviyasini oshirish uchun ahamiyatga ega bulgan pedagogik va metodik xarakterdagi ayrim muommalarda o‘tkaziladigan ochiq darslar, tadbirlar, o‘qituvchilar darslarida qatnashish,o‘qituvchilarni attestatsiyadan o‘tkazish,malaka oshirishga yuborish kabi jadvallarni kurib chiqish alohida e’tibor talab qiladianadi. Metodik kengash ta’lim muassasasining ta’lim, metodik va innovatsion faoliyatini ta’minlash yuzasidan metodik xizmatni amalga oshiradigan jamoaviy organ hisoblanadi. Metodik kengashning faoliyati jamoatchilik asosida tashkil etiladi. Metodik kengash pedagogik jamoaning innovatsiya, tajriba-sinov, ta’lim-tarbiya jarayonlarini rivojlantirishda metodik birlashmalarning ishini muvofiqlashtiradi. Metodik kengash o‘z faoliyatida O‘zbekiston Respublikasi Konstitutsiyasi va qonunlariga, O‘zbekiston Respublikasi Oliy Majlisi palatalarining qarorlariga, O‘zbekiston Respublikasi Prezidentining farmonlari, qarorlari va farmoyishlariga, O‘zbekiston Respublikasi Vazirlar Mahkamasining qarorlariga, ushbu Nizomga, boshqa normativ-huquqiy hujjatlarga, shuningdek umumta’lim muassasasining ustaviga amal qiladi. Metodik kengashning maqsadi ta’lim muassasasi o‘qituvchilarining malakasini oshirish, ularning kasbiy kompetensiyalarini rivojlantirish, kasbiy mahoratini o‘stirish hamda metodik ishlarga tez moslashuvchanligini ta’minlashdan iborat. Metodik kengashning asosiy vazifalari quyidagilardan iborat:
-Ta’lim muassasasida ta’lim-tarbiya sifatini oshirish uchun zarur bo‘lgan metodik faoliyatni muvofiqlashtirish, pedagog xodimlarning faoliyati samaradorligini oshirish;
-Ta’lim muassasasining o‘quv dasturi, o‘quv rejasi va uning rivojlantirish dasturlarini birlamchi ekspertizadan o‘tkazish hamda tasdiqlash uchun umumta’lim muassasasining pedagogik kengashiga tavsiya etish;
-Ta’lim muassasasi o‘qituvchilariga zamonaviy pedagogik texnologiyalarni, ta’lim metodlari, shakli va vositalarini izlab topishga ko‘maklashish, dars jarayonida qo‘llashga sharoit yaratish, ilg‘or ish tajribalarini ommalashtirish va ta’lim jarayonida yutuqlarga erishayotgan pedagogik xodimlar faoliyatini qo‘llab-quvvatlash bo‘yicha tavsiyalar berish; talabalar bilimi, ko‘nikma va malakalarining davlat ta’lim standartiga mosligini o‘rganish, tahlil qilish, monitoring qilish va natijalariga ko‘ra aniqlangan bo‘shliqlarni to‘ldirish bo‘yicha metodik tavsiyalar ishlab chiqish; o‘quv yili yakunida talabalarni keyingi sinfga ko‘chirish yoki sinfda qoldirish masalasini ko‘rib chiqish; Pedagog xodimlarning oxirgi uch yildagi ish natijalarini tahlil qilib borish, aniqlangan kamchiliklarni bartaraf etish yuzasidan tavsiyalar berish, pedagog xodimlar va metodik birlashma rahbarlariga metodik ishlarni samarali tashkil etish bo‘yicha asosiy vazifalarni belgilab berish;pedagog xodimning innovatsion faoliyatini tashkil qilish, ularning ijodiy izlanishlari uchun seminarlar, trening mashg‘ulotlari, pedagogik texnologiyalar bo‘yicha taqdimotlar hamda ochiq darslar tashkil etish;
-Ta’lim muassasasi pedagog xodimlarining malaka oshirishlarini tashkil etish;
-Pedagog xodimlarning malaka oshirish kursidan keyingi faoliyatlarini tahlil qilish, ularning malaka oshirish kursi davomida olgan bilimlari asosida o‘quv seminarlar tashkil etish, ularning ish rejasi asosida ijodiy hisobotlarini eshitish;
-Pedagogik jamoaning ta’lim-tarbiya jarayonini rivojlantirishga va amaliyotda qo‘llashga yo‘naltirilgan tajriba-sinov, ilmiy-tadqiqot, innovatsion, ijodiy faoliyatiga oid tashabbuslarini qo‘llab-quvvatlash va ularni rag‘batlantirish choralarini ko‘rish;
-Pedagogik xodimlarni ilmiy, metodik, didaktik materiallar, o‘quv dasturlari bilan ta’minlash;
-Ilg‘or pedagogik va axborot-kommunikatsion texnologiyalar asosida dars o‘tishning yangi metodlarini sinovdan o‘tkazish;
-Ta’lim sohasida tajriba almashish maqsadida boshqa ta’lim muassasalari bilan hamkorlik qilish;
- Metodik birlashmalar hisobotini eshitish, muhokama qilish va ular faoliyatini takomillashtirish bo‘yicha tavsiyalar berish;
Ta’lim mazmunini rivojlantirishga oid masalalarni hal qilish, innovatsion dasturlar tuzish, diagnostik tahlil o‘tkazish, yangi pedagogik texnologiyalarni ishlab chiqish uchun vaqtinchalik ijodiy guruhlar faoliyatini tashkil etish;
Pedagog xodimlar tomonidan ishlab chiqilgan o‘quv-metodik qo‘llanmalar va didaktik materiallarni muhokamadan o‘tkazish.
