Mavzu : malakaviy ishlarni tayyorlashning muhim

MALAKAVIY ISHNING ILMIY-MA’LUMOTNOMA
APPARATI: UNI TUZISH VA TASHKILLASHTIRISH ISHI

Har qanday ilmiy tadqiqot jarayonida, xususan bitiruv

malakaviy ishi bo`yicha ham to`rtta omil (shartli ravishda – mualliflar)
muvaffaqiyat uchun asos bo`ladi: Ilmiy-tadqiqot mavzusining dolzarbligi va
echimi imkoniyati.Tadqiqot mavzusiga oid adabiyot va manbalar, tarixiy
materiallarning etarliligi. Talabaning ilmiy tadqiqot olib borishga ko`nikmasi,
salohiyati. Ilmiy rahbarning talaba tomonidan olib borilayotgan tadqiqot mavzusi
bo`yicha nazariy, uslubiy tushunchalarining kengligi. Demak, bitiruv malakaviy
ishi uchun tanlangan mavzu talaba ilmiy tadqiqot ishining muvaffaqiyatli yakun
topishida muhim ahamiyatga molik omillardan biri hisoblanadi.
Bitiruv malakaviy ishiga mavzu tanlash asoslari talaba uchun amalda 1–2-
bosqichlardayoq boshlangan bo`ladi. Chunki talaba dastlabki bosqichlardanoq tarix
yo`nalishidagi u yoki bu fanlardan mustaqil ishlar – referat yozish, kurs ishlarini
yozishga jalb qilinadi. Boz ustiga tegishli kafedralar, fakul’tet qoshida faoliyat
yuritayotgan ilmiy to`garaklar, talabalar ilmiy jamiyatlarida faol qatnashish,
talabalarning fakul’tet, oliy o`quv yurti, respublika miqyosidagi ilmiy-nazariy
anjumanlarida ilmiy axborot va ma`ruzalar bilan ishtiroki bitiruv malakaviy ishi
uchun ma`lum darajada ilmiy poydevor bo`lib xizmat qilishi mumkin.
Bitiruv malakaviy ishi mavzulari, yuqorida qayd etilganidek, tarixiy
yo`nalishdagi tegishli mutaxassis tayyorlovchi kafedralarda talabalar soniga etarli
miqdorda 3 yilga etadigan “Mavzular jamg`armasi” ishlab chiqiladi. Kafedrada
ishlab chiqilayotgan mavzular Vatanimiz va jahon tarixida o`rganilmagan
jabhalarni, qadimgi dunyo, o`rta asrlar, yangi va mustaqillik yillarida tariximizdagi
dolzarb, qiziqarli, ahamiyatli hamda istiqbolli mavzularni qamrab olishi kerak.
Bitiruv malakaviy ishi uchun ishlab chiqilgan “Mavzular jamg`armasi”
dastlab tarix yo`nalishidagi tegishili kafedrada tasdiqlanib, keyin ketma-ketlik
asosida fakul’tet hamda oliy o`quv yurti o`quv-uslubiy va ilmiy kengashlarida
muhokamalardan o`tkaziladi. Tegishli tavsiyalar asosida oliy o`quv yurti Ilmiy
kengashida tasdiqlanadi. Mutaxassis tayyorlovchi tarix yo`nalishidagi kafedralar
tomonidan uch yillik “Mavzular jamg`armasi” 4- kurs talabalariga fanlar
bo`yicha o`quv yilining birinchi mashg`ulotlarida e`lon qilinadi va ilmiy
ma`lumotlar doskasida “Mavzular ro`yxati” aks etadi