Mavzu : malakaviy ishlarni tayyorlashning muhim

TARIXIY BIBLIOGRAFIYANING YIRIK MARKALARI

Tarixiy bibliografiya tuzayotgan tadqiqotchi O`zbekistonda

chiqayotgan “O`zbekiston tarixi”, “Ijtimoiy fikr. Inson huquqlari” kabi jurnallarni
ham ko`rib chiqsa foydadan xoli bo`lmaydi. Chunki yuqorida nomi qayd etilgan
jurnallardagi ham ilmiy maqolalar Vatanimiz, jahon tarixiga oid tegishli
mavzularni yoritishda yordam berishi mumkin. Bundan tashqari tadqiqotchi-talaba,
o`z mavzusiga oid bibliografiya tuzishda nashriyotlarning yillik rejalari bo`yicha
chop etilgan risolalar ro`yxati bilan kitob do`konlari orqali ham tanishishi mumkin.
Umuman olganda, yuqorida qayd etib o`tilgan asosiy bibliografiya tadqiqotchi-talabaga tanlagan mavzusi bo`yicha adabiyotlar ro`yxatini tuzib, ularni
tadqiqot rejasiga moslab, ma`lum tizimga ajratib o`rganib chiqishda katta yordam
beradi. Ayni paytda, adabiyotlar va manbalarni o`rganishni mustaqillik davrida
e`lon qilingan tarixiy asarlar va manbalardan boshlash maqsadga muvofiq. Chunki
mustaqillik yillarida chop etilgan ilmiy adabiyotlar o`zining mafkuraviy
tazyiqlardan xoli yozilgani, tarixni yoritishga xolisona yondashilgani bilan ajralib
turadi va shundan kelib chiqqan holda tarixiy voqea va hodisalarni, dalillarni
to`g`ri baholashga undaydi. O`z navbatida boshqa davrlarda chop etilgan ilmiy
adabiyotlar ham o`z qadr-qimmatiga ega. Ammo bu adabiyotlarga ma`lum
darajada tanqidiy yondashish foydadan xoli bo`lmaydi.
Tarixiy bibliografiyani tuzish kutubxonalardagi katologlar shaklida bo`lgani
maqsadga muvofiq. Bu shakl shunisi bilan ahamiyatga molikki, kartochkadan
amaliy va nazariy yo`nalishini klassifikatsiya qilish, turli bo`g`inlarda foydalanish
va hatto ilmiy ishning kirish, boblari, xulosasida ham foydalanish mumkin bo`ladi