Матн муҳаррирлари ва процессорлари

MMX Pentium процессори. Intel фирмасининг кейинги авлод процессори сифатида 1997 йил январь 
ойидан бошлаб чиқарилаѐтган MMX (Matrix Multiplication Extension) Pentium процессорини айтиш мумкин. 
Даставвал бу процессор матрицаларни кўпайтириш учун кенгайтма номи билан аталган бўлса, кейинчалик 
MultiMedia Еxtension-мультимедиа учун кенгайтма деб атала бошлади. Бу янги процессорни ишлаб 
чиқишдан мақсад, кейинги йилларда оммавий қўлланилиб борилаѐтган компьютернинг мультимедиа (овози, 
график, тасвир) имкониятларини ҳар томонлама баркамоллик даражасига кўтариш мультимедиа 
амалиѐтларни тез бажаришни таъминлашдан иборат. Бу амаллар қаторига, жумладан мультимедиа 
берилганларини, икки ва уч ўлчовли графикаларни тез бажариш киради. Шу билан бирга бу процессор 
кўпайтириш ва қўшиш амалларини кўпроқ ишлатадиган амалий дастурларда амалларни тезроқ бажаришга 
қаратилган. Шунинг учун ҳам уни кўпроқ математик сопроцессорни талаб қилмайдиган, бутун сонлар билан 
ишлаш билан боғлиқ масалаларни ечишда қўллаш мақсадга мувофиқ бўлсада, тажрибалар унинг 
ҳартомонлама устунлигини кўрсатади.
Монитор 
Монитор (дисплей) компьютерда матн ва график маълумотларни тасвирлаш (кўриш) учун хизмат
қилади. Унинг электрон-нурли (СRT - Cathode Ray Tube) ва суюқ кристалли (жидкокристаллическое ѐки 
LCD - Liquid Crystal Display) кўринишлари мавжуд. Гарчанд ташқи кўринишидан у 
телевизорга ўхшаб кетсада, улар бажарадиган ишлари билан кескин фарқ қиладилар. 
Мониторлар рангли ва рангсиз бўлади. Компьютер тарқатадиган нур умуман айтганда 
зарарли, шунинг учун ҳам баъзи компьютерларда паст радиация (Lowe radiation) 
сўзларини учратиш мумкин. Лекин уларнинг инсон организмига таъсири тобора 
камайиб борадиган русумлари яратилмоқда. Бунинг мисоли кейинги йилларда 
чиқарилган 17-21 дюймли SVGA (SUPER Video Grafic Adapter-катта видео график 
адаптер) мониторларда нурларнинг таъсирини анча камайтирилишига эришилганлигини 
келтириш мумкин. Монитор асосий тавсифларидан бири унинг тасвирлаш қобилиятидир. Тасвирлаш 
қобилияти экраннинг горизонтали ва вертикалидаги нуқталар сони билан берилади. Масалан 14 дюймли 
(36.56 см) мониторда тасвирлаш қобилияти 800х600, 15 дюймли (38.1 см) мониторда 1024х768, 17 дюймли 
(43.2 см) мониторда 1280х1024 ва 21 дюймли (53.54 см) мониторда эса 1600х1200. Бундан ташқари, 
мониторнинг яна бир тавсифи тасвирларни ҳосил қилувчи пикселлар (нуқталар) ўлчовининг катта-
кичиклигидир. Тасвирлаш қобилияти 800х600 га тенг бўлган мониторларда яхши тасвир пиксел 0,31мм га, 
1024х768га тенг бўлган мониторларда эса пиксел 0,28 ѐки 0,25га тенг бўлиши керак. Мониторнинг тез 
ишлаши унинг адаптерига боғлиқ бўлади. Матн ҳолатида мониторлар нисбатан тез ишласада, график 
ҳолатда у секинроқ ишлайди. Унинг тезлигини ошириш йўллари ҳам мавжуд. 
Хозирда мониторларнинг суюқ кристалли (жидкокристаллическое ѐки LCD) кўринишдагилари кенг 
тарқалмоқда. Бунга сабаб унинг зарарли нур тарқатиб инсон кўзига салбий таъсир кўрсатмаслиги хамда кам 
энергия сарфидир. Бундан ташқари бундай мониторлар сатхи ўта текис бўлиб, унда тасвирлар бузилмасдан 

---

8 
кўринади. 
Шунингдек хозирда плазмали мониторлар хам ишлаб чиқариш йўлга қўйилмоқда. У ичи инерт гази 
билан тўлдирилган, сатхи текис шиша идиш шаклида бўлиб ички сатхида эса минглаб майда электродлар 
жойлаштирилади. Хар бир электрод эса монитор экранининг битта пикселини ташкил этади. У хам инсон 
учун зарарли бўлган нур тарқатмайди. Суюқ кристалли мониторлардан фарқи унинг катта диоганалли 
кўринишларини хам яратиш имконияти мавжуд.