Матн муҳаррирлари ва процессорлари

Компьютерларни синфлаш 
Компьютерларни хотирасининг ҳажми, такт частотаси(бир секундда бажарадиган амаллар тезлиги), 
маълумотларнинг разряд тўрида (ячейкаларда) тасвирланишига қараб, беш гуруҳга бўлиш мумкин: 
- супер компьютерлар; 
- катта компьютерлар; 
- мини компьютерлар; 
- микро компьютерлар(шахсий компьютерлар); 
- блокнот ва чўнтак компьютерлари (notebook, laptop, palmtop),  
Супер компьютерлар (топ 500 компьютерлар)- жуда катта тезликни талаб қиладиган ва катта ҳажмдаги 
масалаларни ечиш учун мўлжалланган бўлади. Бундай масалалар сифатида об-ҳавони глобал, башоратига 
оид масалаларни, уч ўлчовли фазода турли оқимларнинг кечишини ўрганиш масалалари, глобал 
информацион тизимлар ва ҳоказоларни келтириш мумкин. Бу компьютерлар бир секундда 10 триллиардлаб 
амал бажаради. Мисол сифатида АҚШ энергетика вазирлигининг Сандиа лабораториясида ўрнатилган 9472 
процессорли Intel ASCI Red компьютерини келтириш мумкин. Хусусан, бу компьютер ядро синовларини ва 
эскираѐтган ядро қуролларини моделлаштиришда қўлланилади.
Катта компьютерлар (Manframe Computer)- фан ва техниканинг турли соҳаларига оид масалаларни 
ечишга мўлжалланган. Уларнинг амал бажариш тезлиги ва хотира ҳажми суперкомпьютерларникига 
қараганда бир-икки поғона паст. Буларга мисол сифатида АҚШнинг CRAY (крей), IBM 390, 4300, IBM ES
/
9000, Франциянинг Borrous 6000, Япониянинг M1800 русумли компьютерини ва бошқаларни мисол қилиб 
келтириш мумкин.
Миникомпьютерлар (кичик компьютерлар) ҳажми ва бажарадиган амаллар тезлиги жиҳатидан катта 
компьютерлардан камида бир поғона пастдир. Шуни айтиш жоизки, уларнинг габарити (ҳажми) тобора 

---

6 
ихчамлашиб, ҳатто шахсий компьютердек кичик жойни эгаллайдиганлари яратилмоқда. Бундай 
компьютерлар туркумига илк бор яратилган PDP-11 (Programm Driver Processor - дастурий бошқарув 
процессори) туркумини, илгари ҳарбий мақсадлар учун ишлатилган(махфий ҳисобланган) VAX, SUN 
туркумли компьютерлар, IBM 4381, Hewlett Packard фирмасининг HP 9000 ва бошқалар миникомпьютерга 
мисол бўла олади. Шуни айтиш жоизки, миникомпьютерлар ўзларининг «катта оғалари» Manframe 
компьютерларни имкониятлари даражасига кўтарилиб бормоқда.