Машғулот №3

Кўкрак умуртқалари - vertebrae thoracicae
Кўкрак умуртқалари - vertebrae thoracicae қовурғалар билан бирикканлигидан, юқориги қовурға чуқурчаси fovea costalis superior ва остки қовурға чуқурчаси fovea costalis inferior нинг мавжудлиги билан фарқланади. Хар бир кўкрак умуртқаси 2-та қовурға билан бирлашади. Шу сабабдан хар бир кўкрак умуртқасида иккитадан ярим чуқурча бўлади. Бундан I, X, XI, XII кўкрак умуртқалари мустасно. I кўкрак умуртқасининг юқори чуқурчаси тўлиқ бўлади (чунки I қовурғанинг бошчаси бирикади). X кўкрак умуртқасида юқориги чуқурча мавжуд бўлади холос (чунки бу умуртқага фақат Х қовурға бирлашади). XI ва ХII кўкрак умуртқаларда эса биттадан тўлиқ қовурға чуқурчаси fovea costalis бўлади. Кўкрак умуртқасида қуйидаги хосилалар бўлади: танаси corpus vertebrae; ёйи arcus vertebralis; оёқчаси pediculis arcus vertebrae; бу хосилалар орасидаги тешик foramen vertebrale; қиррали ўсимта processus spinosus; юқориги бўғим ўсимтаси processus articularis superior ва бу ўсимтадаги юқориги бўғим юзаси facies articularis superior; остки бўғим ўсимтаси processus articularis inferior ва бу ўсимтадаги остки бўғим юзаси facies articularis inferior; кўндаланг ўсимта processus transversus ва бу ўсимтадаги қовурға дўмбоғидан хосил бўлган чуқурча fovea costalis transversalis; оёқча сохасидаги устки ўйма incisura vertebralis superior ва остки ўйма incisura vertebralis inferior.
Бел умуртқалари - vertebrae lumbales
Бел умуртқалари - vertebrae lumbales - бошқа умуртқалардан танасининг катталиги билан фарқланади. Кўндаланг ўсимтаси рудимент холидаги қовурға бўлганлигидан processus costarius дейилади. Бу ўсимтанинг орқа юзасининг асосида эса қўшимча ўсимта processus accisorius бўлади. Юқори бўғим ўсимтаси processus articularis superior нинг ён тарафида сўрғичсимон ўсимталар processus mamillaris мавжуд бўлади. Бундан ташқари унинг қуйидаги хосилалари мавжуд бўлади: танаси corpus vertebrae; ёйи arcus vertebrae; оёқчаси pediculus arcus vertebrae; бу хосилаларининг орасидаги тешик foramen vertebrale; пастки бўғим ўсимталар processus articularis inferior; юқориги бўғим юзаси facies articularis superior; остки бўғим юзаси facies articularis inferior; қиррали ўсимта processus spinosus.