Маърузалар матни 1-мавзу. Билимлар иқтисодиёти фанининг мақсад ва вазифалари

Олий таълим икки босқичдан иборат: бакалавриат ва магистратура.
Бакалавриат — бу тўрт йил давом этувчи йўналтирилган назарий ва амалий билим берувчи олий таълимнинг биринчи босқичи ҳисобланади. Бакалавр дастурини ўқитиш ниҳоясига етгач талаба давлат аттестациясининг якуний хулосасига мувофиқ ўқитилган йўналиш асосида “бакалавр” даражасига лойиқ деб топилади ҳамда давлат намунасида кўрсатилган диплом берилади.
Магистратура — бу икки йил давом этадиган аниқ йўналиш асосида назарий ҳамда амалий билим берувчи, бакалаврни битиргачгина танлов асосида таълим олиш давом эттирилиши мумкин бўлган олий таълим босқичи.
Магистратурада ўқиш якунлангач битирувчиларга давлат аттестацияси коммисиясининг якуний хулосасига мувофиқ аниқ мутаҳассислиги кўрсатилган “магистр”лик даражаси ва магистрликни тасдиқловчи давлат намунасида кўрсатилган диплом берилади.
Ўзбекистон Республикасида олий таълим муассасаларининг қуйидаги турлари мавжуд:
1.Университет. Мазкур олий таълим муассасаси:
● олий ва ундан кейинги таълим учун таълимни бир неча йўналишда беради;
● турли соҳалардаги мутахассисларнинг малакасини оширади ва қайта тайёрлайди;
● фаннинг турли йўналишларида фундаментал ва амалий тадқиқотларни олиб боради;
● илм соҳаси билан чамбарчас боғлиқ илмий ва методик марказ ҳисобланади.
2.Академия. Ушбу олий таълим муассасаси:
● таълим соҳасида маълум белгиланган олий ва олий таълимдан сўнгги таълим беришга мўлжалланган ўқув дастурини бажаради;
● мутахассисларнинг билимларини белгиланган тартибда малакасини оширади ва қайта тайёрлайди;
фундаментал ва амалий илмий тадқиқот ишларини олиб боради;
● ўз фаолияти доирасида етакчи илмий, методик маркази ҳисобланади.
3.Институт. Мазкур олий таълим муассасаси:
● олий ва олий таълимдан кейинги ўқув дастурларини бажаришни таълим ва фаннинг маълум бир меъёрида амалга оширади;
● мутаҳассисларни маълум бир соҳада қайта тайёрлаш ва малакасини ошириш билан шуғулланади;
● фундаментал ва амалий тадқиқот ишларини олиб боради.
Кадрлар тайёрлаш миллий дастури доирасида Мактаб таълимини ривожлантириш давлат умумиллий дастури амалга оширилмоқда.