Маъруза: олий таълимда информатика фанлари мазмуни, ЎҚитиш шакллари

Дарс ижодий жараён

Дарс-жамоа меҳнати жараёни. Дарсни ижодий ташкил этиш, вақтдан унумли фойдаланиш, машғулотларни ўз вақтида ўтказиш болаларда жамоа бўлиб ишлай олиш кўникмаларини шакллантириш, ўзаро ёрдам ва болалар ўртасида ҳамкорлик ўрнатиш йўллари билан машғулотлар жамоа меҳнати жараёнига айлантирилади.
Дарс таълимнинг бошқа шаклларидан ўзининг ички ва ташқи хусусиятларига кўра фарққилади. Муайян ёшдаги ва маълум тайёргарликка эга бўлган ўқувчилар гуруҳи, режим, дарс тартиби, машғулотларни маълум хонада ўтказиш кабилар дарснинг ташқи хусусиятлари, дарснинг мақсади, таълим мазмунини ҳис қилиш, қизиқиш, англаш, тушуниш унинг ички хусусиятлари саналади. Дарс ана шу икки хил ташқи ва ички ҳусусиятларнинг ўзаро уйғунлашуви асосида ташкил этилади.
Дарсга қўйиладиган талаблар
Дидактик ёки илмий талаблар сирасига қуйидагилар киради. Ҳар бир дарснинг мақсадини аниқ белгилаш
Дарсларнинг оптимал мазмунини, ўрганиладиган билимлар кўлами,
шакллантириладиган кўникма ва малакаларни олдиндан аниқлаб қўйиш.
Дарсни ташкил этишга оид таълим методларини, воситаларини танлаш, ўқувчилар билиш фаоллигини рағбатлантириш, ўқув топшириқлари, мустақил ишларни таълимга татбиқ этиш.
Таълим қоидаларини (илмийлик, фаоллик, изчиллик, фанлараро алоқа ва ҳ.к) оғишмай амалга ошириш.
Дарсга қўйиладиган тарбиявий талаблар қаторига қуйидагилар киради:

1. 
   Дарсда ўрганиладиган ўқув материаллари бўйича тарбиявий хулосалар чиқариш.
   
2. 
   Назарий билимлар асосида илмий дунёқарашни ривожлантириш. 3.Болаларда ўқишга оид ижодий мотивларни уйғотиш, билиш,
   

ўқиш-ўрганишга ҳавас иштиёқ, қизиқишни шакллантириш.
Дарс жараёнига, педагогик такт қоидаларига риоя қилиш.
Дарсга қўйиладиган ташкилий талаблар жумласига қуйидагилар киради.

1. 
   Дарс учун пухта йўналган конспект ёки режа тузиш.
   
2. 
   Дарснинг босқичларига (дарс босқичларининг ўзаро боғлиқлиги, дарсда амалга ошириладиган ишлар, ўқув топшириқларининг ўзаро алоқадорлигига) риоя қилиш.
   
3. 
   Дарс тезлигини ўқувчиларнинг тайёргарлигига мослаштириш. 4.Дарс учун ажратилган вақтдан тўлақонли фойдаланиш.