Маъруза мазмуни

Прогноз. Юз-жағ ва бўйин соҳалари флегмоналарини тўғри вазамонавий даволашда прогноз қониқарли бўлади. Асоратларни ривожланиши (медиастенит, мия ичи йирингли жараёнлари, сепсис) касалликни оғир даражадаги прогнози хисобланади ва баъзида летал асоратга олиб келади.
Жағлар атрофи абсцесс ва флегмоналарини профилактикаси бошқа одонтоген яллиғланиш касалликларидаги принципларга ҳамда организмни инфекцияга қарши химоя реакцияларига асосланган.


ЮҚОРИ ЖАҒ БЎШЛИҒИНИ ОДОНТОГЕН ЯЛЛИҒЛАНИШИ (ГАЙМОРИТ).

Юқори жағ бўшлиғи одонтоген яллиғланиши шиллиқ қават касаллигини намоён қилади. Инфекция манбаи одонтоген яллиғланиш ўчоқлари хисобланади, шунинг учун юқори жағ юўшлиғи синусити одонтоген хисобланади.

Этиология. Юқори жағ бўшлиғи яллиғланишини ўткир ва сурункали периодонтитни ўткирлашувида қатнашувчи хамда бошқа одонтоген ўчоқларда жойлашган оғиз бўшлиғини одатдаги микрофлораси чақиради.
Патогенез. Инфекция манбаи бўлиб кўпроқ юқориги биринчи, иккинчи катта озиқ, иккинчи кичик озиқ тишлардаги ўткир ёки сурункали периодонтитни ўткирлашуви хисобланади. Шунингдек радикуляр кистани йиринглаши, юқори жағ остеомиелити, ретенирланган тишлар – қозиқ, кичик озиқ тишлар соҳасидаги яллиғланиш жараёни инфекция манбаи бўлиб хисобланади. Кўп холларда юқори жағ бўшлиғи яллиғланиш жараёни травматик тиш олиш билан боғлиқ. Бундай холатларда альвеола, юқори жағ бўшлиғи туби деворлари жарохатланади. Кюретаж вақтида тиш илдизи ёки илдиз учи грануляцион ўсимталарни итарилиши кузатилади. Юқори жағдаги кичик ва катта озиқ тишлари илдизларини юқори жағ бўшлиғига яқин жойлашуви тишлар илдизи чўққисидан гангреноз емирилган тўқималарни, пломбалаш материалини бўшлиққа итарилишига олиб келади, шунингдек бундай холат юқори жағ бўшлиғи яллиғланишига олиб келади.
Юқори жағ бўшлиғи одонтоген яллиғланиш жараёни ривожланиши унинг анатомик тузилишига катта аҳамиятга эгадир. Кўпинча тиш илдизларини юқори жағ бўшлиғи тубига яқин жойлашуви кузатилиб, бунда уларни юпқа суяк тўқимаси қавати ажратиб туради ёки улар юқори жағ бўшлиғи шиллиқ қаватига бевосита тегиб туриши аниқланади. Санаб ўтилган сабаблардан ташқари юқори жағ бўшлиғи яллиғланишини патогенезида организм химоя реакцияларини холати катта аҳамиятга эга бўлиб, яллиғланиш характерини ифодалайд.