Юз жағ ва бўйин соҳаси абсцесс ва флегмоналарини ташхислаш.
Абсцесс ва флегмоналарни ташхислаш умумий симптомларга, ялллиғланиш реакциясини бахолашга (нормергик, гиперергик, гипергик) ва жараённи локализацияси ва тарқалганлигига асосланиб ўтказилади. Беморни ёши, иммун етишмовчиликни хосил қилувчи ва касалликни умумий тасвирини намоён қилувчи умумий касалликлар мавжудлиги, маҳаллий симптоматика, шунигдек йирингли жараённи тарқалганлиги хисобга олинади.
Чақирувчи микроорганизмлар турини аниқлаш учун микробиологик ташхислашни ўтказиш мухимдир. Уларни таркиби, концентрация даражаси ва антибактериал доривор воситаларига сезгирлиги аниқланади. Лекин анаъанавий усул 2-7 кунларда натижа олиш имкониятини беради. Тезкор усул – кассетали микроусул ва ярим суюқликда бўлиши микробиологик ташхисни тасдиқлаш имконини беради, буни махсус клиникаларда ўтказилиши янада самарали хисобланади. Аэроб ва факультатив анаэроблар антибиоткограммаси 6-12 соатда, бошқа анаэроблар учун 1-3 кунда аниқланади [Царев В.H., 1993]. Асосан флегмоналарда, камроқ холларда эса абсцессларда облигат ва факультатив анаэробларни аниқланиши бу йирингли жараёнлардаги замонавий микрорционоз тасвирни характерлайди. Тарқалган йирингли жараён – флегмонада облигат анаэроб ва микроаэрофил стрептококкларни ошиши характерлидир. Шунингдек микроорганизмларни вирулентлик хусусиятларини юқорилиги кузатилади. Сўнги холатлардаги оқ стафилококларда токсик шок эндотоксини хосил бўлиши аниқланди [Харитонов Ю.М., 1999].
Касалликка ташхис қўйиш ва прогнозини айтиб бериш учун қон ҳамда сийдик таҳлили катта аҳамиятга эгадир. Уларни кўрсаткичлари турлилиги билан фарқланади. Генограммада оқ қонни миқдорий ва сифат таркиби хамда ЭЧТ ни аниқлаш катта аҳамиятга эга. Сийдик таҳлилида – оқсил, қон хужайраларини ва буйрак эпителийси дегенератив хужайралари мавжудлиги аниқланади. Айниқса атипик, ўткир ости кечувчи абсцессларда, умумий намоён бўлмаган ва махаллий клиник кўриниши яққол намоён бўлувчи флегмоналарда, шунингдек тарқалган флегмоналарда ҳамда уларни асоратлариривожланишида қимматли аҳамиятга эгадир.
Жағ атрофи юмшоқ тўқималари йирингли яллиғланиш касалликларини ташхислашда организм реактивлигини кўрсаткичлари муҳим аҳамиятга эгадир. Булар орасида интоксикацияни лейкоцитар индекси (ИЛИ), иммунологик кўрсаткичлар, қонни биохимик текширув натижалари (оқсил, фермент, электролит алмашинув ва бошқалар) янада информатив аҳамиятга эгадир. Бу маълумотларни тўплаш организм химоя реакциясини ва интоксикая даражасини тўғри бахолаш имконини беради.
Комплекс текширувда рентгенологик таҳлил ўтказиш мақсадга мувофиқдир. Бу таҳлил инфекцияни одонтоген манбасини, остеофлегмонадан юмшоқ тўқималардаги йирингли жараёнларни қиёсий ташхислашни, касалликни узоқ давом этишида эса иккиламчи кортикал остеомиелитни аниқлаш имконини беради.
Do'stlaringiz bilan baham: |