Гуруч қипиғи асосида фаоллаштирилган нефт махсулотлари

Гуруч қипиғи асосида фаоллаштирилган нефт махсулотлари
Хар қандай ўсимлик маҳсулотларини қайта ишлаш жараёнида турли хил чиқиндилар хосил бўлмоқда. Бугунги кунда қишлоқ хўжалик махсулотларининг чиқиндиси гуруч пўстлоғи истеъмол ва иқтисодий қиймати камлиги ундан ташқари атроф-мухитнинг ифлосланишига олиб келадиган омиллардан биридир. Таркибида кремний (IV) оксид сақловчи аксарият махсулотлар ёқиб юборилган бирикма хисобланади. Гуруч пўслоғи чиқиндиларни қайта ишлаш натижасида нисбатан арзон ва экологик тоза материаллар ишлаб чиқариш бугунги куннинг долзарб муаммолардан бири хисобланади.
Адабиётлар тахлили шуни кўрсатадики гуруч пўстлоғининг асосий таркибий қисми 75% га яқин органик моддалар асосан целлюлоза, лигнин 25-30% целлюлоза еса 35-40% атрофида бўлади {2.3}. Шоли пўстлоғининг кимёвий таркиби шоли навларига, йил фаслларига ва турли минтақаларда қишлоқ хўжалиги етиштириш хусусятларига қараб ўзгаради. Гуруч пўстлоғининг кимёвий таркиби 1-жадвалда кўрсатилган.
1-жадвал
Шоли пўстлоғининг элемент таркиби

Элемент	Масса улуш %	Элемент	Масса улуш %
С	32-49	CI	0,22
О	41-50	AL	0,14
Si	7,1-13(9,2)	Ca	0,12
H	2,5-3,5	Mn	0,11
K	0,2-0,3	Na	0,06

Жадвалдан кўриниб турибдики унинг асосий елемент таркиби сифатида кремний углерод, водород ва кислород эканлиги маълум.

Шоли пўстлоғининг 1000 грамни 600⁰ С харорат инерт мухитда пиролизлаб 37 % унум билан активланган кўмир олинди. Бизга маълумки органик моддалар асосан 400-500⁰С да парсаланиши натижасида қуйидаги реаксия хисобига боради.

nC₆H₁₀O_{5(целлюлоза)} т⁰с 6nC+5nH₂O_{(целлюлоза)}

Пиролизлаш жараёнидан сўнг шоли пўстлоғининг таркибидаги лигнин, целлюлоза каби органик моддаларнинг миқдори камайиб, ноорганик моддалар асосан углерод ва кремний миқдорларнинг ортиши кузатилди. Пиролиз натижасида олинган намунани 1:5 масса нисбатда 20% ли ишқорининг сувдаги эритмаси билан фаоллаштириш натижасида, суюқ шиша ва бошқа моддалар аралашмаси олинди. Ушбу аралашмани HCI эритмасида нейтраллаб кўмир ва микрокремнезм синтез қилинди.
2KOH+SiO₂ K₂SiO₃+H₂O
K₂SiO₃+2HCI+xH₂O 2KCI+H₂SiO₃ xH₂O
H₂SiO₃*xH₂O H₂SiO₃+ xH₂O
Шоли пўстлоғидан 17-19,7% гача хSiO_2*yH₂O, ва 18-21% гача фаоллаштирилган адсорбентлар олиш мумкинлиги исботланди