Маъруза мазмуни

Дахан ости соҳаси (дахан ости бўшлиғи) абсцесс ва флегмонаси. Инфекция пастки курак қозиқ тишлар одонтоген ўчоқларидан тарқалади, шу билан бирга йирингли жараён жағ ости, тил илдизи, камроқ – тил ости соҳаларидан тарқалади. Бирламчи яна лимфатик тугунлар зарарланади, кейин йирингли жараён дахан ости учбурчаги клетчаткасига тарқалади.
Дахан ости учбурчаги чегаралари: юқориги – жағ-тил ости мушаги, бўйин хусусий фасцияси чуқур варақлари билан пастдан ўралган, пастки – бўйинни юза фасцияси, ён томонларидан – ўнг ва чап икки қоринчали мушакни олдинги қоринчалари. Дахан ости сохасида клетчатка (унинг тери ости қаватлари дахан ости учбурчакларини ўнг ва чап томонларига ўтадилар), икки гуруғ лимфа тугунлари (бири пастки жағ пастки қирғоғи ортида, кейингиси тил ости суяги олдида), олдинги бўйинтуруқ веналари жойлашади.
Дахан ости соҳасида абсцесс ёки флегмона ривожланиши мумкин. Беморлар зарарланган соҳадаги ўз-ўзидан хосил бўлувчи оғриққа, пальпацияда абсцессда кучли, флегмонада эса ўсиб борувчи ва кучаювчи оғриққа шикоят қиладилар.
Абсцессда тарқалган шиш характерлидир. Тери бу соҳада инфильтрланган, харакатчан. 3-4 кун ичида пальпацияда кам оғриқли зич инфильтрат юзага келади. Тери остидаги тўқималар билан уланиб кетган, ранги қизарган кўпинча юпқалашган, флюктуация мусбат.
Флегмонада касаллик бошланишида дахан ости учбурчагида тарқалган инфильтрат аниқланади, ҳар икки жағ ости сохаларида шиш кузатилади. Оғиз очилиши эркин. Фақат яллиғланиш жараёнини атроф тўқималарга тарқалишида оғиз очилишида чегараланиш кузатилади, ютиниш ва чайнаш оғриқли бўлади. Инфильтрация юмшаши натижасида тири остидаги тўқималар билан уланиб кетади. бурмага йиғилмайди, қизаради. Пайпасланганда флюктуация аниқланади. Дахан ости соҳаси абсцесс ва флегмоналарида беморлари оғиз бўшлиғи ва тил ости бурмаси шиллиқ қаватида ўзгариш бўлмайди.
Абсцесс ва флегмонада оператив муолажа терида патки жағ қирғоғидан тил ости суягига кесма ўтказиш билан йирингли ўчоқ очилади ёки пастки жағ асосига параллел равишда дахан ости соҳасида тери кесма қилинади. Кейинги оператив йўл эстетик жихатдан қулай хисобланади. Тери ва тери ости ёғ қавати кесилгандан кейин яра қирғоқлари четлаштирилиб, ўтмас йўл билан чуқур жойлашган тўқималарга ўтилади, жағ-тил ости мушагигача ўтилади.
Дахан соти флегмонаси – инфекцияни жағ ости учбурчагига ва бўйиннни бошқа соҳаларига тарқалиши билан асоратланиши мумкин.