Ma’ruza matnlari

Ko'krakda krol usulida suzishda burilish. Ma'lumki suzish usullari har xil bolganidek burilish usullari ham xar xil. Chunki suzish usuliga qarab odam suv ustida, suvostida turli shakllarda turli amallar qo llab burilishiga to'g'ri keladi. Krol usulida ko'krakda suzganda o'ng tomonga burilish usuli quyidagicha. Suzuvchi hovuz taxtasiga yaqinlashib kelarkan, shunday harakat qiladiki, chapga qarab nafas olganda chap qo'lini suv ustidan oldinga uzatadi, boshini suvga botirib hovuz taxtasining suv sathidan 15-20 sm chuqurlikdagi qismiga chap qo'lini tegizadi. Ayni shu paytda o'ng qo'l oxirgi marta eshib bo'ladi, shu tufayli suzish tezligi pasaymaydi, suzuvchi esa, hovuz taxtasiga juda ham yaqinlashadi: chap qo'li tirsakdan egiladi. Shu bilan birga suzuvchi oyoqlarini tez bukib ko'krakka tomon tortadi va osongina burilish uchun yumaloq bo'lib oladi. Eshishni tugatgan o'ng qo'l suvdan chiqarilmaydi, balki kaft bilan hovuz taxtasi tomon burilib, esha boshlaydi, yumaloq shaklga kelgan gavadaning burilishiga yordam beradi. Shu vaqtning o'zida taxtaga tayangan chap qo'l suzuvchining gavdasini o'ngga aylantiradi. Suzuvchi ikkala qo'lining kuchi bilan o'ngga tez buriladi va bukilgan oyoq tovonlari bilan suv sathidan 15-25 sm pastda taxtaga bosadi. O'ng qo'l oldinga uzatiladi, uning yoniga chap qo'l keladi, bosh ikkala qo'l orasida bo'ladi. Suzuvchining ikkala oyoq bilan zor berib hovuz taxtasidan tepinib 60-80 sm chuqurlikda gavdasini oldinga siljitadi. Suv ostida siljish tezligini pasaygandan keyin xuddi startdagidek, qo'li bilan eshadi.
Devorga etib kelish. Suzuvchi basseyn devoriga etib kelar ekan, ung yoki chap qo'li bilan devorga tiralib tanasini yonga buradi, buning uchun u qo'l panjasini suv satxida yoki 10-15 sm unda yuqoridagi devoriga tiraydi. Keyin shu qo'l tirsagidan bukib, tanasini devorga yaqinlashtiradi. Oyoqlarini tizza va chanoq son bo'g'imlaridan bukib, ularni ham oldinga harakat qildiradi. Shu bilan bosqich tugaydi.