Ma’ruza matni mavzu. Huquqiy madaniyat va huquqiy tarbiya asoslari fanining predmeti va vazifasi

«Bumerang» texnologiyasi
Texnologiyaning harakteristikasi. Ushbu texnologiya talaba (yoki o’quvchi)larni dars jarayonida, darsdan tashqarida turli adabiyotlar, matnlar bilan ishlash, o’rganilgan materialni yodida saqlab qolish, so’zlab berish, fikrini erkin holda bayon eta olish, qisqa vaqt ichida ko’p ma’lumotga ega bo’lish hamda dars mobaynida o’qituvchi tomonidan barcha talaba (yoki o’quvchi)larni baholay olishga qaratilgan.
Texnologiyaning maqsadi. O’quv jarayoni mobaynida tarqatilgan materiallarni talaba (yoki o’quvchi)lar tomonidan yakka va guruh holatida o’zlashtirib olishlari qamda suhbat-munozara va turli savollar orqali tarqatma materiallardagi matnlar qay darajada o’zlashtirilganligini nazorat qilish va baholash. O’quv jarayoni mobaynida har bir talaba (yoki o’quvchi) tomonidan o’z baho (yoki ball)larini egallashga imkoniyat yaratish.
Texnologiyaning ko’llanishi. Amaliy mashg’ulotlar, seminar yoki laboratoriya mashg’ulotlari hamda suhbat-munozara shaklidagi darslarda yakka tartibda, kichik guruh va jamoa shaklida foydalanilishi mumkin.
Mashg’ulotda foydalaniladgan vositalar. Talaba (yoki o’quvchi) dars jarayonida mustaqil o’qishlari, o’rganishlari va o’zlashtirib olishlari uchun mo’ljallangan tarqatma materiallar (o’tilgan mavzu yoki yangi mavzu bo’yicha qisqa matnlar, suratlar, ma’lumotlar).
Mashg’ulotni o’tkazish tartibi. Ushbu texnologiya bir necha bosqichda o’tkaziladi:
• talaba(yoki o’quvchi)larni kichik guruhlarga ajratiladi;
• talaba (yoki o’quvchi)larni dars (mashg’ulot)ning maqsadi va tartibi bilan tanishtiriladi;
• talaba (yoki o’quvchi)larga mustaqil o’rganish uchun mavzu bo’yicha matnlar tarqatiladi;
• talaba (yoki o’quvchi)lar tomonidan berilgan matnlarni yakka tartibda mustaqil ravishda o’rganiladi;
• har bir guruh a’zolaridan yangi guruh tashkil etiladi;
• yangi guruh a’zolarining har biri guruh ichida navbati bilan mustaqil o’rgangan matnlari bilan axborot almashadilar, ya’ni bir-birlariga so’zlab beradilar, matnni o’zlashtirib olishlariga erishadilar;
• berilgan ma’lumotlarni o’zlashtirilganlik darajasini aniqlash uchun guruh ichida ichki nazorat o’tkaziladi, ya’ni guruh a’zolari bir-birlari bilan savol - javob qiladilar;
• yangi guruh a’zolari dastlabki holatdagi guruhlariga qaytadilar;
• darsning qolgan jarayonida talaba (yoki o’quvchi)larning bilimlarini baholash yoki to’plagan ballarini hisoblab borish uchun har bir guruhda «guruh hisobchisi» tayinlanadi;
• talaba (yoki o’quvchi)lar tomonidan barcha matnlar qay darajada o’zlashtirilganligini aniqlash maqsadida o’qituvchi (yoki opponent guruhi) talaba (yoki o’quvchi)larga savollar bilan murojaat etadilar, ogzaki so’rov o’tkazadilar;
• savollarga berilgan javoblar asosida guruhlarni to’plagan umumiy ballari aniqlanadi;
• har bir guruh a’zolari tomonidan guruhdagi matnning mazmunini habtga bog’lagan xolda bitgadan savol to’zadilar;
• guruhlar tomonidan tayyorlangan savollarni o’zaro almashadilar («guruh hisobchilari» berilgan javoblar bo’yicha ballarni hisoblab boradilar);
• guruh a’zolari tomonidan to’plangan umumiy ballar yig’indisi aniqlanadi;
• guruhlar to’plagan umumiy ballarni guruh a’zolari o’rtasida teng taksimlaydilar.
• dars (mashg’ulot)ni yakunlash, uyga vazifa berish.
Izoh: o’qituvchi darsni shu tartibda tugatishi yoki o’quv materialini talaba (yoki o’quvchi)lar tomonidan yakka tartibda qanday o’zlashtirilganini yana bir bor o’z-o’ziga baho berish tartibida nazorat qilish uchun «CHarxpalak» texnologiyasidan foydalangan holda o’qilgan va o’zlashtirilgan matnlar asosida tayyorlangan tarqatma materiallarni talaba (yoki o’quvchi)larga tarqatib, o’z bilimlarini tekshirib olishlariga imkoniyat yaratish mumkin.