маъруза: Электроника ва схемалар фани, мақсади ва вазифалари

I₁ токнинг ўзгармаслиги барқарорлашган кучланиш манбаи ЕМ₁ дан фойдаланиш ҳисобига эришилади. Натижада I₂ токнинг занжир параметрлари ЕМ₂ ва RЮ га боғлиқлиги йўқотилади.
Лекин бундай БТГда I₂ токнинг температура бўйича барқарорлиги таъминланмайди, чунки база токи IБ₂ температура ўзгаришларига жуда боғлиқ.
I₂ токнинг температура бўйича барқарорлигини таъминлаш учун мураккаброқ схемалардан фойдаланилади.

4 маъруза: Дарлингтон жуфтлиги. Уилсон ток кўзгулари схемаси.

Режа:

1. 
   Таркибий транзисторлар.
   
2. 
   Уилсон ток кўзгулари схемаси.
   
3. 
   Актив ток трансформатори схемаси.
   

Таркибий транзисторлар
Каскадларнинг кучайтириш коэффициентлари ва кириш қаршиликлари учун ифодаларни таҳлил қилиб, уларнинг максимал қийматлари УЭ уланган схемада транзисторнинг дифференциал ток узатиш коэффициенти h_21Э=β билан аниқланади деб хулоса қилиш мумкин. h_21Э нинг реал қийматлари транзистор тузилмаси ва тайёрланиш технологияси билан аниқланади ва одатда бир неча юздан ошмайди.
Бир нечта (одатда иккита) транзисторни ўзаро улаб h_21Э қийматини ошириш муаммосини ҳал қилиш мумкин. Уланишлар шундай амалга оширилиши керакки, транзисторларни ягона транзистор деб қараш мумкин бўлсин.
Бир турли транзисторга нисбатан схемалар биринчи марта Дарлингтон томонидан таклиф этилган эди, шунинг учун Дарлингтон жуфтлиги ёки таркибий транзистори деб аталади.

4.1.-расм. Дарлингтон жуфтлиги

Таркибий транзисторда натижавий ток узатиш коэффициенти алоҳида транзисторлар ток узатиш коэффициентларининг кўпайтмасига тенг.

Агар β₁ ва β₂ лар бир хил қийматга эга бўлса, масалан 100 га, ҳисоблаб топилган коэффициент
β= β₁ ∙β₂ = 10000 бўлади.
Лекин, бир хил VT1 ва VT2 ларда β₁ ва β₂ коэффициентлар I_К1 ва I_К2 коллектор токлари бир хил бўлгандагина бир – бирига тенг бўлади.