-

 
Уруғ пуфакчалари - vesiculae seminalis
Уруғ пуфакчалари - vesiculae seminalis - сийдик қопчасининг туби билан 
тўғри ичак орасида жойлашади. Пуфакчалар экскретор без бўлиб - эркак 
уруғининг суюқ қисмини ишлаб чиқаради. Пуфакнинг суюқлиқни ўтказувчи 
найи - ductus extcretorius - бўлиб - уруғ олиб келувчи най - ductus deferens га 
очилади. Бу икки найнинг қўшилиши натижасида уруғ отувчи най ductus 
ejaculatorius ҳосил бўлади. Уруғ отувчи най сийдик чиқарув йўлининг pars 
prostatica қисмига очилади. Уруғ пуфакчаси деворида қуйидаги қаватлар 
бўлади: а) tunica advеntitia – қўшувчи тўқима қавати; б) tunica muscularis – 
мушакли тўқима; в) tunica mucosа – шиллиқ қават;
 
Ёрғоқ - scrotum 
Моякнинг тараққиёти қорин бўшлиғида бошланади ва туғилиш олдидан, чов 
канали орқали тушиб, ёрғоқ ичида пайдо бўлади. Ёрғоқнинг деворлари 
қуйидаги қаватлардан ҳосил бўлади: 1) тери; 2) гўштдор қават - tunica dartos; 
3) ташқи фасция - fascia spermatica externa; 4) моякни кўтарувчи мушак 
фасцияси - fascia cremasterica; 5) моякни кўтарувчи мушак - m. cremaster; 6) 

---

103 
ички фасция - fascia spermatica interna; 7) моякнинг хусусий пардаси - tunica 
vaginalis testis. Гўштдор қават - tunica dartos - ҳар бир мояк учун алоҳида 
бўлади. Бу қават қорин олдинги деворининг тери ости қўшувчи 
туқималаридан ҳосил бўлади ва силлиқ мушак толалари мавжуд бўлади. 
Ташқи фасция - fascia spermatica externa - қорин деворининг юзаки 
фасциясининг давоми бўлиб ҳисобланади. M. cremaster - қорин деворидаги 
кўндаланг мушак - m. transversus abdominis нинг давоми бўлиб ҳисобланади. 
Fascia spermatica interna - қорин деворининг ички юзасидаги fascia 
transversalis нинг давоми бўлиб ҳисобланади. Tunica vaginalis testis - қорин 
парда ҳисобига ҳосил бўлади ва ёрғоқ ичида париетал ва висцерал қаватларга 
ажрайди. Laminа parietalis ёрғоқни ички юзасини ташкил этади. Lamina 
visceralis моякнинг оқсил пардаси билан бирикиб кетади. Париетал ва 
висцерал пардалар орасида cavum vaginale бўшлиғи ҳосил бўлади.