Маркетинг тизимида товар сиёсати

7.1-жадвал
Товарларга доир қарорларнииг соҳаси ва ҳажми

Қарорлар соҳаси		Қарорларнинг ҳажми
1. Товарнинг сифати		Товарни қўллашнинг ҳар хил соҳалари учун техникавий шартлар: материаллар, унумдорлик, қувват, аниқлик, ишончлилик ва ҳоказолар. Истеъмолчиларнинг талабига (мақсадли бозордаги) мос ҳолда ва сифат ҳақидаги давлатнинг амалдаги низомларига риоя қиладиган кўрсаткичлар (андозалар, сертификатлаш)
2. Товарнинг шакли		Маҳсулотнинг ташқи элементларини шакллантириш
2.1. Дизайн ва ранги		Функционал-техникавий, эстетик, ижтимоий-маданий талабларга кўра, шу жумладан, давлатнинг меъёрлари ва қоидаларига кўра дизайнни ишлаб чиқиш, эътиборни жалб қиладиган ва муайян рационал ва ёки иррационал (истеъмолчиларнинг тегишли мақсадли бозордаги) тасаввурларга тўғри келадиган рангли безагини ишлаб чиқиш
2.2. Ўрам	Ташиш ва омборда сақлашда товарни ҳимоя қилиш учун тегишли мақсадли бозорда истеъмолчилар ва сотиш бўйича шерикларнинг эҳтиёжларига мос ҳолда идентификациялаш воситаси ва ахборотни ташувчи сифатида бевосита ўрамни ишлаб чиқиш
2.3. Маркировка	Истеъмолчилар ва савдо маркаларини ҳимоялаш бўйича қонунчилик талабларига риоя қилган ҳолда марка номини ёки ҳимоя маркасини танлаш; ишлаб чиқарувчи фирма ва чиқарувчи мамлакатни кўрсатиш, амалдаги давлат низомларига мос ҳолда маҳсулот ва унинг таркибий қисмларини кўрсатиш
3. Сервис	Тижорат ва техник сервиснинг ҳажми: ишлатиш кўрсатмалари, дастур таъминоти, ваколатлар бўйича истеъмолчи талабларига қараб хизмат кўрсатиш ва таъмирлаш тизими

Бозордаги маҳсулотларни узлуксиз янгилаб туриш заруриятининг асосий, глобал сабаблари сифатида илмий-техника тараққиёти ва у билан боғлиқ ҳолда сифат даражасининг барқарор ўсиб бориши, шунингдек, истеъмолчилар эҳтиёжларининг ривожланиши намоён бўлади. Бу асосий омилларнинг таъсири натижасида товарларнинг тез маънавий эскириши рўй беради, шу орқали эса уларнинг ҳаётий даври ҳам қисқаради.

Корхонага нисбатан маҳсулот янгиликлар киритишнинг ички ва ташқи сабаблари ажратиб кўрсатилади. Янгилик киритишнинг ички сабаблари қуйидагилардан иборат бўлиши мумкин:
Ø корхона ўсишини таъминлаш зарурияти;
Ø фойда даражасини сақлаб туриш;
Ø рақобатли вазиятларни кучайтириш;
Ø баъзи хатарларни фаолият соҳасини кенгайтириш ҳисобига қоплашга интилиш.
Ташқи сабаблар одатда қуйидагилардан келиб чиқади:
Ø сотиш бозорларининг тобора тўйиниб бориши;
Ø уларнинг таркибий ўзгаришлари;
Ø конъюнктура ва мавсумий тебранишларни текислаш зарурияти.
Янги товарни ишлаб чиқариш жараёни қуйидаги тўрт босқични ўз ичига олади:
1) янги товар (хизмат)лар ғояларини излаш ва танлаш;
2) янги товар концепциясини аниқлаш;
3) товарни ишлаб чиқариш;
4) янги товарни бозорга чиқариш.