Мақола ва тезислар номи

Юқоридагилардан келиб чиққан ҳолда агросаноат кластерига қуйидагича таъриф 
беришни таклиф этамиз: агросаноат кластери – бу маълум бир турдаги қишлоқ хўжалиги 
экинларини етиштириш ва шунингдек, илғор инновацион техника ва технологиялар, 
замонавий бошқарув усулларидан фойдаланган ҳолда қишлоқ хўжалиги хомашёсидан юқори 
қўшилган қийматли тайёр маҳсулотлар ишлаб чиқарувчи ва бозорда маҳсулотларнинг 
самарали сотилишини ташкил этувчи хўжалик юритувчи субъектларнинг ҳудудий 
интеграцион бирлашмасидир.
Унча кўп муддат бўлмаган бўлсада, ўрганишлар бу борада бир қатор тизимли 
муаммолар мавжудлигини кўрсатмоқда:
- Кластерлар фаолиятини тартибга солиш бўйича ягона норматив ҳуқуқий ҳужжат 
қабул қилинмаган, ҳамда уларнинг муаммоларини тезкор ҳал этишга амалий ёрдам 
кўрсатувчи ягона тизим мавжуд эмас;
- Маҳаллий ҳокимликлар томонидан кластерлар учун ер майдонларини ўз вақтида 
ажратиш борасида муаммолар мавжуд;
- Кластерларнинг айланма маблағлари етишмаслиги сабабли улар томонидан қўшимча 
минерал ўғитлар ва кимё воситаларини импорт қилишда қийинчиликлар юзага келмоқда;
- Банклар томонидан кластерларга кредит маблағлари ажратилишида бўлғуси ҳосилни 
гаровга қўйиш амалиёти йўлга қўйилмаган.
Юқорида баён этилганлар асосида қишлоқ хўжалиги ишлаб чиқарувчилари ва бошқа 
корхона–ташкилотларнинг интеграциялашган тузилмасини барпо қилишда агросаноат 
мажмуида фаолият кўрсатувчи хўжалик юритувчи субъектлардан бири ташаббускор бўлиши 
лозимлигини таъкидлаб ўтишимиз лозим. Бу ўринда интеграцион тузилмани ташкил этиш 
ташаббускори ёки ташаббускорлар гуруҳининг маҳаллий ҳокимият идоралари, илмий 
ҳамжамият ва олий таълим муассасаларининг вакиллари билан ўзаро яқиндан ҳамкорлиги 
талаб этилади. Ўз навбатида ҳамкорликдаги фаолиятни амалга ошириш мақсадида қуйидаги 
вазифаларни босқичма босқич амалга оширишни таклиф этамиз:
1. Интеграциялашган тузилмани ташкил этиш бўйича ишчи гуруҳ тузиш, ишларни 
амалга ошириш тартиби, муддатлари ва молиялаштириш манбаларини аниқлаштириб олиш. 
2. Агросаноат мажмуи тармоқлари ва корхоналари ўртасида иқтисодий жиҳатдан 
асосланган, истиқболли технологик ва ишлаб чиқариш алоқаларини аниқлаштириш. 

---

260 
3. Интеграциялашган тузилманинг эҳтимолий иштирокчилари таркиби ва уларнинг 
вазифаларини аниқлаштириш.
4. Интеграцион тузилма эҳтимолий иштирокчиларининг ишлаб чиқариш ва молиявий-
хўжалик фаолиятини тафтишдан ўтказиш.
5. Корхона ва ташкилотларнинг интеграцион жараёнлари схемасини аниқлаштириш.
6. Маҳаллий ҳокимият идоралари билан интеграцион тузилманинг ўзаро 
муносабатлари механизмини шакллантириш ва давлат томонидан қўллаб-қувватлаш 
имкониятларига аниқлик киритиш.
7. Интеграцион тузилмани ташкил этиш борасида шартномалар лойиҳасини ишлаб 
чиқиш, уни атрофлича муҳокама қилиш ва имзолаш.