Ma’muriy yakuniy nazorat javoblar 1-Kazus

31-kazus
Arizachi “GRATIS-BUILDINGS” MCHJ rahbari M.M.Abdullayev sudga ariza bilan murojaat qilib, unda Toshkent shahar davlat soliq boshqarmasi tomonidan 10.02.2021 yilda “GRATIS-BUILDINGS” MChJga nisbatan qo‘shimcha ravishda QQS bo‘yicha 1.590.791.878,29 so‘m soliq hisoblashdan iborat harakatini qonunga xilof deb topishni va Toshkent shahar davlat soliq boshqarmasi zimmasiga yo‘l qo‘yilgan buzilishlarni bartaraf etish majburiyati yuklashni so‘ragan.
Sud majlisida “GRATIS-BUILDINGS” MChJning ishonchli vakili A.A.Muxamedbayev, arizada keltirilgan vajlar kabi ko‘rsatuvlar berib, ariza talabini o‘zgartirib, Toshkent shahar davlat soliq boshqarmasi mansabdor shaxslarining “GRATIS-BUILDINGS” MChJga nisbatan Soliq kodeksining 14, 266-moddalari talabiga zid ravishda, dalil-isbotsiz bitimlarni ko‘zbo‘yamachilik uchun tuzilgan deb hisoblab, QQS bo‘yicha hisobga olishni bekor qilish va tuzatish amalga oshirishdan iborat 10.02.2021 yildagi harakatini qonunga xilof deb topishni so‘radi.
Dastlabki sud majlisida Toshkent shahar davlat soliq boshqarmasi vakili S.X.Nekov arizani tan olmay, Soliq kodeksining 14-15-moddalarida dalil-isbot bo‘yicha aniq yozilganligini, MChJning QQS bo‘yicha hisobga olishi o‘zidan-o‘zi bekor qilinmaganligini, ogohlantirish xati berilganligini, “GRATIS-BUILDINGS” MCHJ QQS guvohnomasi bekor qilingan korxonalar bilan faoliyat olib borganligini bildirib, keyingi sud majlisiga qo‘shimcha hujjatlar taqdim qilishini maʼlum qildi.
Sudning harakatlariga baho bering.

Kazusga javob
Ma’muriy sud ish yurituvi to’g’risidagi kodeksning 40-moddasiga ko’ra, arizachi va javobgar ma’muriy sud ishlarini yuritishda taraflar hisoblanadi.
Arizachi-o‘zlarining huquqlari va qonun bilan qo‘riqlanadigan manfaatlarini himoya qilish maqsadida talab taqdim etayotgan yoki manfaatlarini ko‘zlab talab taqdim etilgan fuqarolar va yuridik shaxslardir. Kazuzdagi holat bo’yicha arizachi “GRATIS-BUILDINGS” MCHJ rahbari M.M.Abdullayev
Javobgar- ariza (shikoyat) talabi qaratilgan ma’muriy organlar, fuqarolarning o‘zini o‘zi boshqarish organlari va ularning mansabdor shaxslari javobgarlardir. Kazusdagi holat bo’yicha javobgar Toshkent shahar davlat soliq boshqarmasi