Маълумки, инсон жамики мавжудотлар орасида фикрлаш ва уни ўз нутқи орқали ифодалаш имкониятига эгалиги билан ажралиб туради

Bob bo`yicha qisqacha xulosa
1.Tilning kishilar orasidagi aloqani ta`minlash, turli ma`lumotlarni yetkazish hamda so`zlovchining ko`zlagan maqsadi, nutqiy faoliyat amalga oshayotgan vaziyat va munosabatdan kelib chiqib badiiy estetik ta`sir etish vazifasini bajarishi til birliklarining tanlanishi va o`rinli qo`lanishiga bog`liq bo`ladi. Ana shu kommunikativ maqsadga bo`ysundirilgan til birligining nutqiy faoliyatda muhim uslubiiy vosita sifatida ishtirok etishi va turli semantik, lingvopoetik imkoniyatlarini namoyon etishi bevosita matn bilan bog`liq kuzatishlar olib borishni taqozo qiladi.
2. Tilimizda mavjud lug`aviy antonimlarning matn tarkida sintaktik antonimga aylanishi va til birliklarining grammatik munosabati sintaktik hosilalar yuzaga keltirishi muhim jarayon hisoblanib, buni tadqiq etish tilshunosligimizning dolzarb muammolaridan ekanligi diqqatga molik.
3. Tilimizda keng ma`noda antonimlik ko`rinishlarni ifodalovchi antiteza, oksyumoron, antisemiya, enantosemiya kabi hodisalar ham borki, ularni ko`rib o`tish orqali grammatik antonimlarning til tizimida tutgan o`rnini belgilash hamda o`ziga yondosh hodisalarga munosabatini aniqlash mumkin.
4. Antiteza kitobxonda turli xil his-tuyg`ularning kelib chiqishida, unda tasvirlanayotgan voqea-hodisaga nisbatan subyektiv munosabatning uyg`onishida muhim ahamiyat kasb etadi.
5. Tilshunoslikda antonimik munosabat asosida yuzaga keluvchi muhim uslubiy vositalardan biri antifraza hisoblanadi. Bu hodisa o`z mazmun- mohiyatiga ko`ra ironiyaning bir ko`rinishi bo`lib, bu hodisa muomala jarayonida bir shaxs yoki predmetga xos bo`lgan u yoki bu ijobiy xususiyat kulgili ohang bilan inkor qilinishi natijasida yuzaga keladi.
6. Enantiosemiyaning asosiy farqli belgisi shundaki, u xuddi antonimlar singari ikki yoki undan ham ortiq birliklar doirasida emas, balki bir so`z doirasida yuz beradi.Bu uning omonimiya va antonimiyadan farqli hodisa ekanligini ko`rsatuvchi asosiy xususiyati hisoblanadi.
7. Oksimaronda esa ko`rganimizdek, ikki bir-biriga qarama-qarshi ma`noli so`z bir-biriga birlashtiriladi, biri ikkinchisiga nisbatan aniqlovchi sifatida qo`llanadi. Ammo unda ko`proq birikishdan kelib chiqqan ko`chma ma`noga ahamiyat beriladi.