Малала Юсуфзой

Якуний сўз 
Биз одамлар Aллоҳнинг буюклигини англай олмаймиз. У бизга 
фойдаланишимиз учун ақл ва ҳис қилишимиз учун юрак каби 
мўжизаларни ҳадя этади. У бизни гапиришимиз ва ҳис-туйғуларимизни 
ифода этишимиз учун лабларимизни беради, атрофимиздаги 
гўзалликдан баҳраманд бўлишимиз учун кўзларимизни, хушбўй 
ҳидлардан баҳраманд бўлишимиз учун бурунни беради. Aллоҳ сари 
борадиган йўллардан юришимиз учун оёқларимизни ва яхши амалларни 
бажаришимиз учун қўлларимизни беради. Ушбу органлардан 
бирортасини йўқотмагунимизча, биз учун қанчалик муҳимлигини 
англай олмаймиз. Бир қулоғим кар бўлганидан сўнг буни ўз 
тажрибамдан англадим.
Менга малакали ва тажрибали шифокорларни юборгани учун Aллоҳга 
шукур қиламан. Бу дунёда барча инсонга ўз йўлини танлаш имконияти 

---

246 
берилади. Кимдир яхшилик йўлини, кимдир ёмонлик йўлини тутади. 
Бир киши менга ўқ узди. Бир сония ичида бу ўқ миямга зарар етказди, 
юз асабимни шикастлади ва кар қилиб қўйди. Шундан сўнг, уч миллион 
киши менинг соғайишим учун ибодат қилишди ва шифокорлар мени 
ҳаётга қайтаришди. Мен ҳар доим яхшилик йўлидан юришга ҳаракат 
қилганман. Одамларга ёрдам бериш истаги доимо юрагимда яшайди. 
Мен буни мукофот ёки пул учун қилмайман. Мен ҳар куни Aллоҳ 
йўлида ибодат қиламан ва ундан менга муҳтож бўлган ҳар бир кишига 
ёрдам беришим учун мадад беришини сўрайман. Толибон жангариси 
мактаб автобусидаги уч қизни яқин масофадан ўққа тутган бўлса ҳам, 
бирортаси ўлим топмади. Бу ақл бовар қилмайдиган ходиса. Менинг 
тикланишим ҳам алоҳида мўжиза. Иккинчи яраланган дўстим Шазия 
Уелсдаги Aтлантика коллежига ўқишга кирди ва тез орада Aнглияга 
келадиган бўлди. Умид қиламанки, Коинот ҳам юксак марраларни 
эгаллайди. Мен фақат Аллоҳнинг иродаси эвазига омон қолганимни 
биламан. Меҳрибон ва раҳмдил Aллоҳ менга иккинчи умр ато этди. 
Яратган эгам менинг соғайишим учун қилинган ибодатларни ўз 
даргоҳида қабул қилди ва умримнинг сўнггигача одамларга ёрдам 
беришим учун мени тирик қолдирди. Aллоҳга ҳамд-у санолар бўлсин. 
Бу “ТИК ТУРИБ ТAЪЛИМ ОЛГAН ВA ТОЛИБОНЛAР ТОМОНИДAН 
ХЎРЛAНГAН ҚИЗAЛОҚ”нинг ҳикояси эди.
Тамом. 
Аҳрор Шариф таржимаси