Maktabgacha ta’limda nutq madaniyati” fanidan o‘quv-uslubiy majmua

Sifatlash–epitet ham deyiladi. Epitet so’zi grekcha bo’lib, izohlovchi degan ma’noni anglatadi. Ammo u boshqa doimiy aniqlovchilardan o’zining ekspressivligi, ko’chma ma’noda ishlatilishi bilan farqqiladi. Epitet–poetik aniqlovchi. Predmetlar oldidan keltirilgan har qanday aniqlovchi ham emotsional qimmatga ega bo’lavermaydi. Oddiy, tarixiy, traditsion epitetlar ham borki, ular kishida hech qanday hayajon, hissiy to’lqin uyg’otmaydi. Doimiy epitetlar predmet va voqealarni individual tomondan xarakterlamaydi, emotsionallik hosil qilmaydi. Doimiy epitetlarga tez-tez, ayniqsa, o’rinsiz murojaat qila berish badiiy bo’yoqni oshirish o’rniga nutqning ifoda kuchini pasaytiradi, o’quvchining g’ashiga tegadi, shablon epitetlarni ishlata berish esa tinglovchini zeriktiradi.

Hamid Olimjon:

Men bir qora tunda tug’ildim,

Tug’ildim-u shu on bo’g’ildim,

der ekan, qora sifatlashini o’zi tug’ilgan davrdagi turmushning og’irligiga ishora qiladi.