Maktabgacha ta’limda nutq madaniyati” fanidan o‘quv-uslubiy majmua

Mubolag’a tasvirlanayotgan kishi, narsa, voqea-hodisani o’ta mahobat bilan, orttirib, bo’rttirib ko’rsatishdir. Ayrim adabiyotlarda giperbola deb ham yuritadilar. Mumtoz adabiyotimizda uning tablig’, ig’roq, g’uluv kabi turlari farqlangan. O’ta darajada bo’rttirilgan mubolag’a ifrot deb yuritilgan. 

Xalq og’zaki ijodidagi lof janri shunga asoslanadi. Har birimiz ham o’z nutqimizda bilib-bilmay ko’plab mubolag’a qo’llaymiz. Chunonchi, men senga yuz marta aytdim, devday yigit, har kiftiga yetti odam o’tirsa bo’ladigan, har yelkasi qirday; iboralarning bir qismi mubolag’a yo’li bilan hosil bo’lgan: boshi osmonga yetdi, qo’yi mingga yetdi, og’zi qulog’iga yetdi, oyog’i olti, qo’li yeti bo’ldi, o’pkasi qozonday va h. O’rni bilan ishlatilgan mubolag’a kishining ensasini qotirmaydi.