Maktabgacha muassasalar xodimlarini qayta tayyorlash va malakasini oshirish respublika

Mavzu: To’lqin Rasulovning “Shaftoli” hikoyasini qayta hikoya qilish.

Savodga tayyorlash bo’yicha amaliy mashq”

Maqsad:

Badiiy asarni qayta hikoya qilish malakasini oshirish.

Vazifalar:

Bog’langan nutqni rivojlantirish.So’zlayotganda to’g’ri nafas olishni rivojlantirish. “S”, “Sh”tovushlarini aniq talaffuz etishlarini mashq qildirish.

Kutilayotgan natijalar:

Bolalarning bog’langan nutqi rivojlanadi. “S”, “Sh”tovushlarini aniq talaffuz etishlariga erishiladi.

Kerakli jihozlar:

Mavzu bo’yicha rasmlar

Mashg’ulotning borishi

Tarbiyachi: Bolajonlar, bugun men sizga Qobil degan bolaning yolg’on so’zlab, uyalib qolgani haqidagi hikoyani o’qib beraman. Bu hikoyani To’lqin Rasulov yozgan. Diqqat bilan eshiting.

“Shaftoli”

Zaynab opa bozordan olib kelgan shaftolini stol ustida turgan vazaga soldi-da, bir ish bilan qo’shnisining uyiga chiqib ketdi. Qobil ko’chadan kelib, vazadagi shaftolini ko’rdi-yu, uni egisi kelib ketdi va bitta olib og’ziga soldi. Juda shirin ekan! U vazadagi shaftolidan yana uch dona olib, kuylagining ichiga yashirdi. Keyin yugurib ko’chaga chiqib ketdi. Oradan bir oz vaqt o’tgach, Zaynab opa qo’shnisinikidan qaytib chiqdi. Uyda Nodir bilan Qodir o’tirgan edi. Zaynab opa vazaning chetida turgan shaftoli danagini ko’rib, Nodir bilan Qodirga qaradi:

-Shaftolini olib edinglarmi?-deb so’radi.

-Yo’q, tekkanimiz yo’q, biz hozir ko’chadan keldik, - dedi Nodir bilan Qodir.

Shu payt Qobil ko’chadan kirib keldi.

-Oyi, oyijon,-deb Zaynab opaning oldiga yaqinlashdi Qobil.

-Mana bu erimni bir narsa talayapti, qarang...

Qobil kuylagini ko’tarib, oyisiga qornini ko’rsatdi. Zaynab opa tikilib qarar ekan, Qobilning qornida, ko’kraklarida shaftoli tuklarini ko’rib qoldi.

-Vazadagi shaftolini oldingmi?- dedi Zaynab opa uning ko’zlariga qarab.

-Yo’q,- dedi Qobil.

-Shaftolini so’ramay olganing, mana shunaqa yolg’on gapirganing uchun shaftolining tuklari seni talayapti, -dedi Zaynab opa.

-Endi nima qilasan?

Shaftolidan olgan edim, oyijon, endi hech yolg’on gapirmayman, deb yaqinlashdi Qobil.-Mana bu erimni bir narsa talamasin,-dedi qo’rqib ketgan Qobil. Zaynab opa, Nodir bilan Qodir kulib yuborishdi.Qobil esa o’zini tuta olmay yig’lab yubordi.

Hikoya bo’yicha savollar:

1. 
   Zaynab opa bozordan nima olib kelgan edi?
   
2. 
   Vazadan shaftolini kim olib edi?
   
3. 
   Zaynab opa Nodir bilan Qodirdan nima deb so’radi?
   
4. 
   Shaftolini kim egan edi?
   
5. 
   Qobil nima uchun kechirim so’radi?
   

Tarbiyachi hikoyani yana bir marta ifodali qilib o’qib beradi. So’ngra besh-olti bola qayta hikoya qiladi.

Jismoniy daqiqa (Ixtiyoriy)