Maktabgacha muassasalar xodimlarini qayta tayyorlash va malakasini oshirish respublika

Yanvar

1-mashg’ulot

Mavzu: Shaxsiy hayotdan hikoya tuzish “Qish bayramini qanday o’tkazdim?”

Maqsad:

Shaxsiy hayotda bo’lgan voqealarni hikoya qilib so’zlab berishga o’rgatish.

Vazifalar:

Bolalarning so’zlashuv nutqini rivojlantirish.So’zlayotganda to’g’ri nafas olishni rivojlantirish.Mavzu bo’yicha berilgan savollarga javob berish

malakasini takomillashtirish.Buyumlarni biron guruhga kiritish, umumlashtiruvchi so’zlarni faollashtirish.“K-G” tovushlarini to’g’ri talaffuz etish.

Kutilayotgan natijalar:

Bolalarning so’zlashuv nutqi rivojlanadi.

Bolalar buyumlarni biron guruhga kiritishni, umumlashtiruvchi so’zlardan foydalanishni o’rganadilar.

Kerakli jihozlar:

Turli xildagi o’yinchoqlar

Turli xildagi buyumlar

Mashg’ulotning borishi

Tarbiyachi: Bizning bog’chamizda bo’lib o’tgan archa bayrami juda qiziqarli bo’ldi. Yangi yil bayramiga hammamiz orziqib kutgan saxiy Qorbobo, Qorqiz ishtirok etishib, bayramimizni ko’ngilli o’tkazib berishdi.

Hozir biz “Men qish bayramini qanday o’tkazdim?” mavzusida hikoya tuzishni o’rganamiz. Qani bir eslang-chi?

1. Siz qish bayramiga qayerga va kim bilan bordingiz?

2. U erda nimalarni ko’rdingiz?

3. Sizga nima juda yoqdi?

4. Qanday ashula va she’rlar aytdingiz?

5. Qanday sovg’a oldingiz?

6. Shu kuni qanday qiziqarli voqealar yuz berdi?

7. Kun qanday tugadi?

Bolalarning hikoyalari qisqa va tugallangan bo’lishi kerak (5-6 ta bolaning javoblari).

Barmoqlar mashqi

Tarbiyachi she’rni o’qib turadi. Bolalar harakatni bajaradilar.
V ertolyot

Qani uch, ey vertolyot,

Parraging tez aylantir.

Ortda qolsin samolyot,

Parraging tez aylantir.
Ikkala qo’lning barmoqlari (ko’rsatkich va bosh barmoqdan tashqari)

to’qilgan savat shaklida chirmashtiriladi Ko’rsatkich barmoqlarni oldinga cho’zib uchlari bir-biriga tekkiziladi (bu vertolyotning dumi). Bosh barmoqlar bilan vertolyotning parragiga o’xshash tez-tez aylanma harakatlar bajariladi.

“Guruhlash” o’yini

- Bolalar, mening stolimda Qorboboning bizni guruhimizga sovg’a qilgan o’yinchoqlari (sovg’alar) turibdi. Bular kiyimlar, idishlar, o’quv qurollari. Kelinglar, bu sovg’alarni guruhlarga ajratamiz. Doira bo’lib turib olinglar. Men biror sovg’aning nomini aytib koptokni otaman, ilib olgan bola men aytgan so’z nimani ifodalashini tez aytib beradi.

Masalan: qo’g’irchoq-bu o’yinchoq;

ko’ylakcha-kiyim;

choynak-idish kabi