Maktabgacha muassasalar xodimlarini qayta tayyorlash va malakasini oshirish respublika

Kutilayotgan natijalar:

Rasmlar asosida gap tuzishga o’rganadilar.

Grammatik jihatdan to’g’ri so’zlashga intiladi

Kerakli jihozlar:

Turli mavzularda rasmlar

Mashg’ulotning borishi. Tarbiyachi: Bugun bolalar, siz bilan “Sh” tovushi ishtirok etgan rasmlarni ko’ramiz, ular haqida gap tuzamiz.

-Bu qanday sabzovot? (sholg’om)

-Men sholg’om haqida gap tuzdim. “Sholg’om katta bo’lib o’sdi”.

-Siz sholg’om haqida qanday gap tuzgan bo’lar edingiz?

(Bolalar javoblari: Bobo sholg’omni tortolmadi. Sholg’om sho’rva ichdik. Sholg’om sho’rva mazali)

-Barakalla, bolalar, hozir men sizga rasmlar tarqataman. Siz rasmga qarab gap tuzasiz.

Tarbiyachi: - Shoira, senda qanday rasm bor, nomla.

Shoira:-menda shar rasmi bor.

Tarbiyachi: shar so’zida “Sh” tovushi so’zning qaerida kelyapti?

Shoira: shar so’zida “Sh” tovushi so’zning boshida kelyapti.

Tarbiyachi: shar so’zini bo’g’inga bo’l.

Shoira: shar

Tarbiyachi:- shar so’zi necha bo’g’in ekan?

Shoira: shar so’zi bir bo’g’in ekan

Tarbiyachi:- shar haqida qanday gap tuzding?

Shoira: - Qizil shar .

Tarbiyachi: tuzgan gapingda nechta so’z bor?

Shoira z:-ikkita

Tarbiyachi: -qanday so’zlar?

Shoira: - “qizil”, “shar”

Tarbiyachi: -to’g’ri, Shoira ikki so’zdan iborat gap tuzdi. Qizil shar. Gapda qizil birinchi so’z, shar ikkinchi so’z.

Tarbiyachi shu tariqa bolalardan “Sh” tovushi ishtirok etgan so’zlardan gap tuzishlarini so’raydi. Bolalarning so’zdagi tovushlarni to’g’ri talaffuz qilishlariga, tuzilgan gapda so’zlarning bog’lanishiga e’tibor beradi. Mashg’ulot davomida albatta jismoniy daqiqa o’tilishi lozim.