Maket Akusherlik 2013. pmd

Diagnostikasi. 

Qon ketish natijasida rivojlanadigan shokning

klinikasini obyektiv baholash uchun quyidagi klinik-laboratoriya

ma’lumotlarini hisobga olish kerak:

1.  Teri va ko‘zga ko‘rinadigan shilliq pardalar rangi, nafas

olish tezligi, puls, AQB ko‘rsatkichi, markaziy venoz bosim

(MVB).

2.  Bir daqiqalik diurez, siydikning nisbiy zichligi.

3.  Qonning klinik tahlili ko‘rsatkichlari: gemotokrit, eritrotsit-

lar miqdori, gemoglobin, suv-elektrolit balansi, kislotali-asosli

muhit, oqsil miqdori.

4.  Gemostaz ko‘rsatkichlari: qon ivish vaqti, fibrinogen miq-

dori, protrombin vaqti.

Gemorragik shok diagnozi – ichki qon ketishlarda qiyin bo‘-

ladi, lekin bemordagi obyektiv ma’lumotlar diagnozni to‘g‘ri

qo‘yishda shifokorga biroz yengillik tug‘diradi. Gemorragik shok

diagnozini yuqorida aytilgan klinik ko‘rinishlarga, obyektiv tek-

shirishlarga (puls va nafas soniga, arterial va markaziy venoz bo-

simini o‘lchash) qon yo‘qotish hajmiga asoslanib qo‘yish mumkin.

Yo‘qotilgan qon hajmining shok indeksiga (ShI) qarab ham

aniqlash mumkin (shok indeksi pulsning sistolik bosimiga nisba-

tidir). Normada shok indeksi 0,55 ga teng. Agar ShI birga teng

bo‘lsa, yo‘qotilgan qon hajmi 1 litrga teng bo‘ladi.

Buyrak faoliyati buzilishini aniqlashda soatlik diurezning aha-

miyati kattadir. Diurezning 30 ml – soatgacha pasayishi periferik

qon aylanishi buzilgandan dalolat bersa, 15 ml – soatga pasayishi

shokning dekompensiyalanganidan dalolat beradi.