Maket Akusherlik 2013. pmd

O‘TKIR KAMQONLIKKA QARSHI KURASH

Yo‘ldosh tushish va chilla davrida qon ketishi sababli o‘tkir

kamqonlik ro‘y berganda bir qancha eng muhim funksiyalar (qon

aylanishi, nafas olish, modda almashinishi va hokazo) buziladi,

organizmning chidami pasayadi, tuqqan ayol shuning natijasida

halok bo‘lishi mumkin. Shu sababli qon oqishini to‘xtatish cho-

ralari bilan bir qatorda, kamqonlikka qarshi kurash olib boriladi.

1. Krovatning bosh tomoni pastga tushirilib, miyaga qon kelishi

yaxshilanadi. Shu maqsadda krovatning oyoq tomoni ko‘tarilib

qo‘yiladi.

2. Bemorning hamma tomoniga grelkalar qo‘yiladi, ensani issiq

tutish juda muhim (ensa ostiga ham grelka qo‘yish lozim). Badan-

ning kuyib qolmasligiga qarab turish kerak.

3. Organizmga ko‘p suyuqliq kiritiladi. Bemorga kofe, vino

qo‘shilgan issiq achchiq choy (yoki bir stakan choyga 1 osh

qoshik toza spirt qo‘shib) ko‘plab ichiriladi 500–1000 ml (2000

ml gacha) fiziologik eritmaga 0,1 % li adrenalin eritmasi 1 

l

 su-

yuqlikka 5–8 tomchi hisobidan qo‘shilib, teri ostiga yuboriladi. Fi-

zilogik eritma o‘rniga 5% li glukoza eritmasini o‘shancha yuborish

ham mumkin.