Махсус сиртқи бўлим талабалари учун Дактилология ва талаффуз малакаларини шакллантириш методикаси фанидан

Махсус сиртқи бўлим талабалари учун
Дактилология ва талаффуз малакаларини шакллантириш методикаси фанидан
сессия оралиғи назорат иши топшириқлари
1 - вариант
Фан: Дактилология ва талаффуз малакаларини шакллантириш методикаси
Мавзулар:
1. Кар ўқувчилар мактабида таълим-тарбия жараёни
2. Эшитишида нуқсони бўлган болаларни эшитиш идрокини ривожлантириш методикаси
Назорат иши топшириқларининг асосий мақсади:
Ўзбекистонда алоҳида ёрдамга муҳтож болалар учун ташкил этилган муассасалар тавсифини ўрганиш, махсус мактабгача таълим муассасаси ва махсус мактабларнинг ҳужжатларини ўрганиш, ёрдамчи мактабда таълим-тарбия жараёнини ўрганиш, машғулот ва дарс жараёнини кузатиш ва таҳлил қилиш, болаларнинг ҳужжатларини ўрганиш ва текшириш учун материаллар тайёрлаш, унда юритиладиган ҳужжатларни ўрганиш ва таҳлил қилишни ўрганиш


Назарий маълумотлар
Талабалар онгида педагогика, психология, махсус педагогика, мутахассислик ва махсус фанлар бўйича олган билимларининг яхлит мужассамлашган моделини шакллантириш, уларни чуқурлаштириш амалда синаб кўриш мақсадида дактилология ва талаффуз малакаларини шакллантириш методикаси фани бўйича сессия оралиғи назорат иши топшириқлари тақдим этилади. Талабаларнинг дактилология ва талаффуз малакаларини шакллантириш методикаси фанидан олган назарий билимларини амалда қўллаш ва синаш, уларни келгуси ўқитувчилик фаолиятида керак бўлган асосий режалаштирувчи (ўқув – меъёрий) ҳужжатлар мазмуни билан таништириш, уларни ишлаб чиқиш бўйича билим, амалий кўникма ва малакалар билан қуроллантириш мазкур тайёрланган сессия оралиғи назорат иши топшириқлари тўпламида ўз аксини топган.
Талабалар дактилология ва талаффуз малакаларини шакллантириш методикаси фанидан сессия оралиғи назорат иши топшириқларини бажариш жараёнида қуйидаги ҳужжатлар билан танишиб, уларни ўрганиб чиқишади айримларини ўзлари тузишни ўрганишади.
Дактилология ва талаффуз малакаларини шакллантириш методикаси фанидан талабалар Ўзбекистон Республикасининг Қонунлари, Ўзбекистон Республикаси Президентининг Қарорлари, Фармонлари, фармойишлари, Давлат таълим стандарти (ДТС), ўқув режаси ва дастури, дарслик, дефектолог, ўқитувчи учун зарур бўладиган барча ҳужжатлар мазмуни билан танишадилар ва уларни ишлаб чиқадилар.