Махматқулов турдимурод ёғоч конструкциялари

1.2. Юкларнинг турлари ва уларни аниқлаш

Ёғоч конструкция ва элементларга таъсир қилувчи юклар асосан, бир неча гуруҳга бўлинади: доимий, қисқа муддатли, узоқ муддатли, махсус юклар. Махсус юкларнинг сейсмик ва авария ҳолатида содир бўладиган ва башқа таъсирлар сингари турлари ҳам мавжуд [12,13].
Меъёрий ва ҳисобий юкларнинг асосий характеристикалари турли стандартлар ва жадвалий маълумотлар асосида аниқланадиган меъёрий қийматлар ҳисобланади. Юкларнинг ҳисобий қиймати, конструкцияларни турини ва материалини эътиборга олувчи ишончлик коэффициентига (γ_ƒ) бўлиш орқали аниқланади [13].
1.1-жадвал

Конструкция ва материалларнинг турлари

Т/р	Конструкция ва материаллар номи	Коэффициент,γƒ
1.	Металл конструкциялар	1.05
2.	Темирбетон, тош ва ёғоч конструкциялар	1.1
3.	Ҳимояловчи, текисловчи ва пардоз қаватлар: (плитка, текисловчи қават, рубероид ва бошқалар) завод шароитида бажариладиган қурилиш майдонида бажариладиган	1.2 1.3

Конструкцияларнинг турғунлигини, уларнинг бузилишини текшириш ёки конструкция оғирлигини камайиши натижасида унинг иш шароитини ёмонлашишини эътиборга олиш учун (резурвуарлар, сув миноралари ва бошқалар) бу коэффициентни қиймати γ_ƒ=0,9 га тенг қабул қилинади.
1.2-жадвал