Махматқулов турдимурод ёғоч конструкциялари

Муаллиф
Ўқув қўлланманинг таркиби ва мазмуни
“Ёғоч конструкциялари” (лойиҳалаш асослари) мавзусидаги ўқув қўлланма институтнинг ва “Қурилиш конструкциялари” кафедрасининг 2020-2021 ўқув йили учун мўлжалланган иш дастури доирасида тайёрланган бўлиб, қуйидагиларни ўз ичига олади:
Сўз бошида ўқув қўлланмани бакалавриат қурилиш таълим йўналиш талабалари учун мўлжалланганлиги, “Ёғоч конструкциялари” фанининг аҳамияти, бошқа қурилиш конструкциялари фанлари қаторидаги ўрни, фанни ўзлаштириш учун асос бўладиган муҳандислик фанларининг аҳамияти юзасидан фикрлар келтирилган.
Кириш қисмида “Ёғоч конструкциялари“ фанининг ривожланиш тарихи, ёғоч материаллардан қурилган ва ҳозиргача яхши сақланган ноёб конструкциялар, катта равоқлар учун мўлжалланган замонавий бинолар, тарихий биноларда қўлланилган ёғоч конструкциялар, ўзларининг илмий тадқиқотлари ва конструктив ечимлари билан фанни ривожланишига ҳисса қўшган хорижий ва Ўзбекистонлик олимлар ҳақида қисқача маълумотлар келтирилган.
1-бобда ёғоч конструкцияларни лойиҳалаш ва ҳисоблаш бўйича маълумотлар, шу жумладан, юкларни турлари ва аниқлаш усуллари, ёғоч конструкцияларни тайёрлаш учун материаллар, хоссалари, ҳисобий қаршиликларини аниқлаш, лойиҳалаш ва ҳисоблаш бўйича лозим бўлган турли коэффициентларни аниқлаш бўйича тавсиялар берилган.
2-бобда марказий чўзилувчи ва сиқилувчи, оддий ва қийшиқ эгилувчи, сикилиб ва чўзилиб эгилувчи элементларни чегаравий ҳолатлар бўйича ҳисоблаш бўйича маълумотлар ва мисоллар берилган.
3-бобда ёғоч конструкция элементларини бириктириш бўйича умумий маълумотлар, яхлит ва елимланган элементлардан тайёрланган конструкцияларни бириктириш бўйича маълумотлар, шу жумладан, бугунги кунда самарадор ҳисобланган елимланган ва елимланган металл стерженли бирикмаларни ҳисоблаш бўйича маълумотлар тақдим этилган.
4-бобда ўраб турувчи конструкциялар, шу жумладан, бир ва икки қаватли тахта тўшамалар, сарровлар, уч қатламли пластмасса ва фанера қопламали ёпмалар ҳақида маълумотлар ва ҳисоблаш усуллари баён қилинган.