«Mahalliy xomashyolar va ikkilamchi resurslar asosida innovatsion texnologiyalar»

176 
РУДАЛАР ТАРКИБИДАН КУМУШНИ СОРБЦИОН АЖРАТИШ
 
Мамарасулова К.И., Шукуров Д.Х., Тураев Х.Х., 
Термиз давлат университети 
 
 
Кумуш саноатда катализаторлар сифатида, кумуш қоплама, халқ 
хўжалигида идишлар тайёрлашда ишлатилади. Кумуш қотишма ва кавшарлаш 
металли сифатида хам қўлланилади. Кумуш идишларда сақланган сув узоқ 
вақтгача айнимайди. Сабаби, у бошқа металлардан кўра оксидланишга 
барқарор ва микробларни тез ўлдиради. Кумуш табиатда соф, яьни туғма 
кумуш металл ҳолида ва кимёвий бирикмалар ҳосил қилиб, минераллар ташкил 
этган ҳолда учрайди. Кумушнинг сирти маълум даражада кислородли парда ва 
оксидли парда билан қопланади. 
Сурхондарё вилояти Хонжиза полиметалл рудалари конида кумушнинг 
асосан олтингугуртли бирикмалари учрайди. Унда бошланғич геология 
қидирув маълумотларига кўра 3000 тонна кумуш ва унинг бошқа рангли 
металлар билан ҳосил қилган рудалари бор. Саноатда кумушни рудалардан рух 
кукуни, алюминий кукуни, писта кумир ёки фаоллаштирилган кўмир, 
ионалмашувчи смолалар ёрдамида ажратиб олинади [1].
Бизнинг ватанимизда ионалмашувчи смолалар ёрдамида, бутана 
таркибидан ажратиб олиш кенг йўлга қўйилган ва амалда самарали 
қўлланилмокда. Яқин пайтларга қадар эритиш жараёнида кучли асосли, 
гелетурли структурали, кучли механик мустаҳкамлиги билан ажралиб 
турадиган, яхши кинетик сорбцияли АМ смоласи ишлатилар эди. Унинг 
камчилиги нодир металларга нисбатан кам селективлиги ва регенерация 
жараёнининг мураккаблигидир.Ҳозирги кунда кучли селекция қобилиятига эга 
бўлган бир қанча ионитлар мавжуд бўлиб, АП-2, АМ-2Б шулар 
жумласидандир[2].
Навоий тоғ-металлургия комбинати таркибидаги заводларга ушбу 
ионитлар чет давлатлардан валюта ҳисобига келтирилади. Масалан, ионитлар 
Хитойдан, Ҳиндистондан ва Германиядан келтирилади. Ушбу заводларда 
асосан АМ-2Б ионити ишлатилмокда [3]. 
Мазкур ишда эпихлоргидрин билан тиомочевина, дитиофосфат 
кислотанинг натрийли тузи ва диалкилдитиофосфат кислотанинг калийли тузи
асосида синтез қилинган сорбентларнинг физик-кимёвий хоссалари ўрганилди. 
Сорбентлар юқори ҳажмли сиғимга ва нодир металларни танловчан 
сорбциялаш қобилиятга эга бўлган хоссаларини намоён қилди. Шунинг учун бу 
сорбентларнинг кинетик хоссаларини ўрганиш табиий қизиқиш ўйғотди. 
Сорбентларнинг сорбциялаш қобилиятини аниқлаш Cl
-
иони учун 0,1 н хлорид, 
SO
4
2-
иони учун 0,1 н сульфат ва NO
3
-
иони учун 0,1 н нитрат кислотасида олиб 
борилди. Юқори тўйиниш SO
4
2-
ионлари иштирокида 80 минутда содир бўлди. 
Потенциометрик титрлаш натижаларига кўра олинган сорбентларнинг сорбция 
даражаси аниқланди. 

---