Mahalla va oila

BILIM, KO‘NIKMA VA MALAKALARIGA QO‘YILGAN TALABLAR

“Maktab yoshidagi qizlar bilan ishlash” yo‘nalishi bo‘yicha o‘quv dasturi asosida o’qitish jarayonidaasosiy shaxsning ijtimoiylashuvi, milliy va madaniy- tarixiy omillarning tarbiyada tutgan o‘rni, komil insonni tarbiyalash mazmuni to‘g‘risida tasavvurlarga ega bo‘lishi; shu bilan birga maktab yoshidagi qizlarda: oilaviy hayot, oila psixologiyasi, oilaning funksiyalari, oilada er va xotinning rollari, vazifalari; ota-onalik ko‘nikmalari, diniy va ma’rifiy tarbiya asoslari, oilaning huquqiy asoslari, kiyinish madaniyati va etikasi, oila byudjeti va iqtisodi,
jamiyat hayotiga samarali ijtimoiylashuv asoslari bo‘yicha bilimlarini rivojlantirish va ko‘nikmalar hosil qilish zarur.
“Maktab yoshidagi qizlar bilan ishlash” yo‘nalishi bo‘yicha o‘quv dasturi asosida maqsadli darslarni o‘tgan maktab o‘quvchi qizlari quyidagi axloqiy, ma’naviy, ijtimoiy sifatlarni o‘zlariga qabul qiladilar: vatanparvarlik, fidoyilik, mehnatsevarlik, samimiylik, kamtarlik, mo‘minlik, kamsuqumlilik, ochiq ko‘ngillilik, qo‘li ochiqlik, sahiylik, o‘zga insonlarning ko‘nglini olish, dil egasiga aylanishga sayi-harakat qilish, to‘g‘rilik, tavozelik, oilaga e’tiqodga sodiqlik, mehribonlik, mehmonnavozlik, diniy bag‘rikenglik, kattalarga hurmat, kichiklarga izzat, sabr, qanoat, tinchlik va osudalikni e’zozlash, mayin gapirish, bosiqlik, jahlga erk bermaslik, zo‘ravonlikni qabul qilmaslik va o‘ziga ep ko‘rmaslik.
Dastur ishlab chiqish jarayonida yosh davrlar xususiyati e’tiborga olindi va ijtimoiy ta’lim-tarbiya sxemasi asosida quyidagi uchta yosh davrni o‘z tarkibiga oladi:

1. 
   bosqich: kichik maktab davri 7-11 yosh;
   
2. 
   bosqich: o‘rta maktab davri - 12 – 15 yosh;
   
3. 
   bosqich: katta maktab davri – 15 -18 yosh.
   

Uquv kursi 40 soatga mo‘ljallangan bo‘lib, bunda bir akademik soat 40 daqiqa qilib belgilangan. Har bir mavzu uchun 2 akademik soat (80 minut) ajratilgan. O‘quv kursi maktab yoshidagi qizlarni turmushga, oilaga, jamiyatga tayyorlash uchun zarur bo‘lgan materiallar va axborotlarning to‘liq to‘plamini o‘z ichiga qamrab olgan. Materiallar o‘quv jarayonida foydalanish shakli va ketma- ketligiga rioya qilingan holda taqdim etilgan. Hech qanday qo‘shimcha material va dastur talab etilmaydi. Mazkur dasturning zaruriyati, davlatimiz siyosatiga monandligi, qabul qilingan huquqiy va normativ hujjatlarni hayotga joriy etilishiga mosligi uning “Mahalla va oila” tizimi orqali amaliyotga joriy etilishini ta’minlaydi.
“MAKTAB YOSHIDAGI QIZLAR BILAN ISHLASH” YO‘NALISHI BO‘YICHA O‘QUV KURSI DASTURI