Mahalla va oila

kursining maqsadi.

Maktab yoshidagi qizlarni jamiyatga, hayotga har tomonlama tayyorligini oshirish, ularni jamiyatga moslashish imkoniyatlarini yanada kengaytirish, oila va uning mazmun-mohiyati hamda funksiyalari haqidagi bilimlari, ko‘nikma va malakalarini shakllantirish, ularning oilaga ma’naviy, axloqiy, iqtisodiy masalalar bo‘yicha tayyorligini oshirish, oilada va jamiyatda o’z o’rniga ega bo’lgan, ilm- fanga intilish, kasb tanlash va professional motivatsiyasini hosil qilish, oilaviy hayot asoslari, oila psixologiyasi, iqtisodi, ma’naviyati, oila va uy-joy gigiyenasi, reproduktiv salomatlik, turli yuqumli ijtimoiy kasalliklar, favqulotda vaziyatda o’ziga va boshqalarga birinchi tibbiy yordam ko’rsata olish bo’yicha ko’nikmalari, kiyinish madaniyati va odobi, ruzgorshunoslik asoslari haqidagi bilimlarini takomillashtirish va rivojlantirish, barcha sohalarda turg‘un ko‘nikmalar hosil qilishdan iboratdir.

“Maktab yoshidagi qizlar bilan ishlash” yo‘nalishi bo‘yicha o‘quv kursining vazifalari:

• 
  O‘zbekiston Respublikasida maktabgacha va maktab yoshidagi qizlarni mustaqil, o’qish, kasbiy va oilaviy hayotga tayyorlash borasida amalga oshirilayotgan davlat siyosatining mazmun va mohiyatini ular ongiga singdirish;
  
• 
  maktab yoshidagi qizlar uchun hayotda zarur bo‘ladigan barcha ehtiyojlar bo‘yicha terilgan, ilmiy tasdiqlangan, zamonaviy xususiyatlarni o‘zida aks ettirgan, innovatsion g‘oyalar majmui bo‘lgan bilimlarni berish va ularning teran, fikrlash qobiliyati yuksak, ma’naviyatli, qobil tarbiyali, ochiq ko‘ngilli, samimiy qilib tarbiya qilish;
  
• 
  oila institutini mustahkamlash bo'yicha “Oila jamiyat va davlat himoyasida” konstitutsiyaviy tamoyilini keng targ'ib etish va jamiyatga singdirish, oilada ma'naviy va jismoniy barkamol shaxsni shakllantirish, ilg'or xorijiy tajribani tahlil qilish asosida milliy mentalitetga mos ijtimoiy ongni tarbiyalash, “Sog'lom oila – sog'lom jamiyat” kontseptual g'oyasini hayotga tatbiq etish, oilalarda ijtimoiy-ma'naviy muhitni sog'lomlashtirish borasida ko’mak berish;
  

• 
  maktab yoshidagi qizlarda oila, turmush, ijtimoiy-siyosiy hayot va jamiyatga integratsiyasi bo’yicha ma’lumot, bilim, ko’nikma va malakalarni shakllantirishdan iboratdir.