Маданиятнинг барча ўзига хосликлари киради

Жанубий Осиё этнологияси.
Ушбу тарихий этнографик вилоятга Ҳиндистон ярим ороли, Шри Ланка ороли, Ликкадив, Андаман, Никобар, Мальдив ороллари киради. Бу ердаги Ҳиндистонда 900 млн, Бангладешда 119,9 млн, Покистонда 129 млн, Шри Ланкада 19 млн, Мальдив республикасида 300 минг киши яшайди. Непаль қироллигида 22,6, Бутан қироллигида 1,3 млн аҳоли мавжуд.
Вавилов назарияси бўйича Жанубий Осиё шоли, шакарқамиш, дуккакли, ёғли, техник экинлар ватанидир. Кейинчалик ҳудудда банан кокос пальмаси, чой тарқалган. Фауналида – ҳинд елкасида ўркачи бор уй моли зебу, ҳинд қўтоси мавжуд.
Этник тарих. Жанубий Осиёнинг антропоген ҳудудлиги масаласи охиригача ечилмаган. Лекин бу ерларда дриопитеклар яшагани, голшнидлар, рамапитекларнинг бўлгани тасдиғини топди. Айни пайтда Жанубий Осиёда ҳали-ҳануз архантроплар ва палеоантроплар суяклари топилмаган. Аммо олимлар илк палеолит одамларининг меҳнат қуролларини топганлар. Шунга асосланиб бу ерда одамзот 1млн йилдан буён яшайди ва инсоннинг шаклланиши бўлганлиги шубҳа остига олинмайди.
Олимларнинг фаразича сўнгги палеолит ва мезолитда бу ҳудудда яшаган аҳолининг туси веддоид бўлган. Тиллари австрало – осиё – океания зонасидаги тиллар билан яқин ҳисобланади.
Тилшуносларнинг фикрича милоддан аввалги III-II минг йилликларда Ҳиндистон ярим оролининг узоқ вилоятларига қадимги дравид ва мунда тилларида гаплашадиган қабилалар кира бошлайди. Миграциялар давомида дравид ва мундалар маҳаллий аҳоли билан аралаша борадилар. Бугунги кунда фақат Марказий Ҳиндистонда мундалар мавжуд 8 млн 435 минг улардан соф мундарийлар 1,6 млн. киши.
Милоддан аввалги II минг йилликда Шимолий Ҳиндистонга ҳинд-европа тилларида сўзлашадиган арий қабилалари бостириб киради. Эрон, тоҳар тилларида гаплашадиган аҳоли Ҳиндистонга кейинги асрларда ҳам келган. Орийлар чорвадор ва деҳқон бўлишиб улардан бизгача гимнлар тўпламлари, удум – маросимлари тавсифлари етиб келган. “Ричведа” ведаларидан энг қадимгиси. Ҳиндистондаги тоифалар – каста – варналар ҳам орийлардан бошланади. Ярим оролнинг шимолий-шарқида қадимданоқ тибет-бирма тилларида сўзлашувчи мўғил ирқига мансуб, тибет-бирма тилларида сўзлашувчи аҳоли шаклланади. Милоддан аввалги I минг йилликнинг ўрталарида Шри – Ланкага ҳозирги сингалларнинг аждодлари келганлар. Оролга шу пайтдан дравид тили тамиллар ҳам келиб жойлашган.