Маданиятнинг барча ўзига хосликлари киради

Моддий маданият.
Жанубий Осиёликларнинг ҳам кўпчилиги қишлоқ жойларида яшайди. Деҳқонлар қишлоқлари режаси, уй-жойлари турлари ҳилма-ҳилдир. Ҳинд ва Ганг водийларидаги қишлоқлар: кўчалар бўйлаб қурилган, ўнлаб уйлардан иборат. Деворлар лойдан, уйларнинг усти, томи текис қилиб ёпилган. Жанубий Осиёнинг шимолий қисмида бир ёки хонали, айвонли уйларда яшашади. Ярим оролнинг жанубида қурилиш ашёси сифатида тош ва дарахтдан фойдаланилади. Ҳимолай тоғлари вилоятларида баланд тош устунлар ёки пойдевор устида уйлар қуришган. сабаби ёғингарчиликнинг кўп бўлиши, сернамлик, сел – суронлар аҳолини шунга мажбур этган. Ганг воҳасида синчли уйлар қурилиши кузатилади. Аъанага кўра қишлоқларда аҳоли тоифасига кўра жойлашиши давом этмоқда. Одатда энг пастқам чекка жойлар, уйларда “хазар қилинадиганлар” яшашади.
Покистонда синдхлар йирик қишлоқларда яшайдилар. Уларнинг уйлари унчалик катта бўлмасдан лойдан қурилган, баъзида синчли, бўйра устидан лой билан сувалган. Томлари текис. Турар – жойлар лойдан деворлар билан ўраб олинган.
Бенгалия ва Бихарда ҳам йирик қишлоқлар бўлиб уларда минглаб аҳоли яшайди. Айни пайтда овул шаклидаги, уйлари кўп бўлмаган қишлоқлар ҳам учрайди. Улари синчли ёки лойдан 1- 2 хонали
Ҳиндистоннинг жануби ва Шри Ланкада уй – жойлар қурилиши, тархлари ранг-баранг. Хусусан дравид тилли пелегулар (андхра) унчалик йирик бўлмаган қишлоқларда яшайдилар. Андхра уйлари пахсадан ёки синчли, тамиллар ғишт ва бамбукдан қурилган уйларда яшашади. Паст тоифа вакиллари уйлари шоҳ – шаббалардан қурилган ва усти (томи) пальма япроқлари билан қопланган. Шри – Ланкада уйларни тўқилиб сувалган, синчли таглик устида қуришган. Айрим уйларнинг айвонлари бўлган.
Деҳқонларнинг уйларида паст бўйра билан қопланган супача бўлиб, унда ўтириб таом ейишдан ташқари тунда ухлаш жойи ҳам бўлган. Мебель турлича ўймакор паст столчалар, ўриндиқлар ва бошқа уй жиҳозлари тайёрланган.
Жанубий Осиёнинг кўчманчи аҳолиси жун газлама қопланган ёки брезент билан ёпилган чодирларда яшашади. Улар чодирни ўртасида ўчоқ ўрнатганлар. Тропик ўрмонлар ва тоғли вилоятлар аҳолиси турар жойлари ҳам турлича. Ҳар бир қишлоқлар мустаҳкам тўсиқлар билан ўралган. Нага ва кхасалар ўз уйларини устунлар устида дарахт танасидан қурганлар, синчли уйлар ҳам учрайди. Сингаллар анъанавий, кўчалар бўйлаб қурилган қишлоқларда яшаб, уйлари бамбук ва қамишлардан қурилган. Ўрмон қабилалари палайян ва уладанлар тарқоқ жойлашган, лекин йирик қишлоқларда яшаганлар. Уларнинг енгил кулбалари устунлар устида қурилган.
Андаманлар ўнлаб, баъзида юзлаб кишилар истиқомат қиладиган жамоа уйларида яшашади. Унинг ичида ўрнатилган ики қатор устунллар устига том мустаҳкамланиб у пальма япроқлари билан қопланган. Уйнинг томи ергача тушиб, девори бўлмаган унинг учида чап ва ўнг томонлар бўйлаб ўрнатилган супаларда, кичик-кичик ораси ажратилган олди – очиқ хоналарда биттадан оила жойлашган. Ведаларнинг бир қисми XIX асрда ғорларда яшашида давом этган. Улар овгв чиқиб тунаб қолишлари зарур бўлганида шамолга қарши чайлалар ёки паналар қуйишган.