M. T. Yulchieva, N. T. Atamuratova

Arundinariya  avlodi  (Aripdinaria).  Bu  avlod  vakillari  butasimon, 
ildizpoyali va ingichka poyali o‘simliklar bo‘lib, buyi 6—7 metrga etadi. 
Barglari  bandli,  bitta  turi  —  A.  simony    G‘arbiy  Gruziyada  ekiladi.  U 
G‘arbiy  Gruziya  sharoitida  gullamaydi.  Asli  vatani  Yaponiya  va  Xitoy 
hisoblanadi. G‘arbiy Yevropada ham o‘stiriladi. 
Fillostaxis  avlodi  (Phyllostachys).  Bu  avlod  vakillari  ildizpoyali, 
poyasi  yog‘ochlangan,  egatli  va  qisqa  bo‘g‘imli  baland  o‘simliklardir. 
Ularning buyi 20 m ga etadi. Gulqurgon pardasi (lodikula) 3 ta, otaligi 3 
ta,  onaligi  ham  3  ta,  patsimon  og‘izchalidir.  Mevasi  chin  don  meva. 
Kamdan-kam  gullaydi.  Yer  betiga  yaqin  joylashgan  va  gorizontal 
rivojlangan  ildizpoyasi  vositasi  bilan  ko‘payadi.  Bahorda  ildizpoyadan 
chiqqan  yangi  novdalar  juda  tez  sur’at  bilan  o‘sadi.  O‘sha  paytlarda 
sutkalik o‘sishi  50—100 sm ga boradi. Bir yarim oy mobaynida bo‘yi 20 
m ga etadi. Shoxlanish boshlanishi bilan bo‘yiga o‘sish to‘xtaydi. 
Bambuklar  xo‘jalikda  katta  ahamiyatga  ega.  Osiyoning  janubi-
sharqida  va  Hindistonda  bambuk  poyasidan  vodoprovod  trubalari,  elektr 
stolbalari  tayyorlanadi.  Qurilish  materiallari  sifatida  ham  qo‘llanadi. 
Ulardan mebellar, savatlar, har xil idishlar yasaladi, qog‘ozlar tayyorlash 
uchun  ketadi.  Ba’zi  turlarining  yosh  novda  va  urug‘lari  ovqatga 
ishlatiladi, em-xashak o‘simligi bo‘lib ham xizmat qiladi.