M. R. Tursunova xalqaro menejment

5-BOB. O‘ZARO MUNOSABATLARNI
TARTIBGA SOLISH
24. Investitsiya kompaniyasi, boshqaruv kompaniyasi va malakali investorlar o‘rtasidagi 
munosabatlar O‘zbekiston Respublikasi qonunchiligiga zid bo‘lmagan doirada shartnoma 
shartlari taraflar tomonidan mustaqil belgilanishidan, shu jumladan, ularning birgalikdagi 
faoliyatida yuzaga keladigan nizolarni hal etish shakllari va usullari erkin tanlanishidan 
kelib chiqib faqat shartnoma asosida tartibga solinadi.
25. Investitsiya kompaniyalari ishlab turgan va yangi tashkil etilgan xo‘jalik yurituvchi 
sub’ektlar ustav kapitallaridagi ulushlarni sotib olish, qimmatli qog‘ozlarni sotib olish, 
investitsiya kompaniyalarning xo‘jalik yurituvchi sub’ektlarining ustav kapitalidagi 
ulushlarni mahalliy va xorijiy investorlarga realizatsiya qilish, ko‘chmas mulk va boshqa 
237 

---

aktivlarni sotib olish hamda O‘zbekiston Respublikasi qonunchiligi bilan taqiqlanmagan 
boshqa shakllarda investitsiya kiritish huquqiga ega.
26. Investitsiya loyihalarini tanlab olish boshqaruv kompaniyasi tomonidan belgilangan 
investitsiya strategiyasiga muvofiq mustaqil ravishda amalga oshiriladi.
27. Ustav kapitalida davlat ulushi, davlat organlari, shuningdek, siyosiy partiyalar, 
notijorat tashkilotlar, kasaba uyushmalari, jamoat fondlari va diniy tashkilotlar mavjud 
bo‘lgan yuridik shaxslar boshqaruv kompaniyasi muassislari bo‘la olmaydi. O‘zbekiston 
Respublikasi qonun hujjatlarida nazarda tutilgan hollar bundan mustasno.
6-BOB. SOLIQ SOLISH
28. Investitsiya va boshqaruv kompaniyalariga, shuningdek, venchur fondlariga 
soliq solish O‘zbekiston Respublikasi qonun hujjatlariga muvofiq amalga oshiriladi.
7-BOB. INVESTITSIYA VA BOSHQARUV KOMPANIYALARI
FAOLIYATI MONITORINGINI OLIB BORISH
29. Investitsiya va boshqaruv kompaniyalari faoliyati monitoringini olib borish 
O‘zbekiston Respublikasi Kapital bozorini rivojlantirish agentligi tomonidan faqat 
investitsiya va boshqaruv kompaniyalarining samarali faoliyatiga to‘sqinlik qilayotgan 
sabablarni aniqlash va o‘rganish maqsadida amalga oshiriladi.
30. Monitoring O‘zbekiston Respublikasi Kapital bozorini rivojlantirish agentligi 
tomonidan Investitsiya va tashqi savdo vazirligi, Davlat statistika qo‘mitasi va Davlat 
soliq qo‘mitasidan investitsiya va boshqaruv kompaniyalarining ishtirokisiz mustaqil 
ravishda olinadigan ochiq ma’lumotlar va axborot asosida, shuningdek, investitsiya va 
boshqaruv kompaniyalarining murojaatlari asosida amalga oshiriladi.