М о р ф о л о г и я сўз туркумлари

Perfect шаклидаги инфинитив феъл ифодалаган иш-харакатдан о л д и н г и иш-харакатни ифодалайди:

He is said to have lived in Tashkent. Айтишларича, у Тошкентда яшаган (Унинг Тошкентда яшаганлиги айтилади).
He is said to have been appointed director of a big plant. Айтишларича, у катта бир заводнинг директори этиб тайинланган.
The streamer was known to have left port on the 15^th of May. Пароходнинг 15 майда портдан кетганлиги маълум эди.

4. 
   Perfect Continuous шаклидаги инфинитив феъл ифодалаган иш-харакатдан о л д и н г и, маълум бир вақт мобайнида содир бўлган д а в о м л и иш-харакатни ифодалайди:
   

The goods are reported to have been awaiting shipment for several days. Хабар беришларича, моллар бир неча кундан буён жўнатилишини кутиб турибди (Молларнинг бир неча кундан буён жўнатишларини кутиб турганлиги хабар қилинмоқда).
He was said to have been travelling about the country a good deal. Унинг мамлакат бўйлаб кўп саёхат қилганлиги айтилар эди (Уни мамлакат бўйлаб кўп саёхат қилган дейишар эди).


«Бош келишик + инфинитив» оборотининг қўлланилиш холатлари


§ 185. «Бош келишик + инфинитив» обороти кесим мажхул нисбатдаги қуйидаги феъллар билан ифодаланганида ишлатилади: to say айтмоқ, to state хабар бермоқ, маълум қилмоқ, to report хабар бермоқ, to announce эълон қилмоқ, to believe суянмоқ, ишонмоқ, to suppose фараз қилмоқ, ўйламоқ, to think ўйламоқ, хисобламоқ, to expect кутмоқ, to know билмоқ, to understand хабари бўлмоқ маъносида, to consider хисобламоқ, ўйламоқ, to see кўрмоқ, to hear эшитмоқ ва бошқалар:
He is said to live in Kiev. (= It is said that he lives in Kiev.) Уни Киевда яшайди дейишади. (Айтишларича у Киевда яшайди.)