М о р ф о л о г и я сўз туркумлари

lest боғловчисидан кейин келадиган м а қ с а д эргаш гапларда:

They covered the goods with canvas lest they be damaged by rain. Ёмғир зарар етказмаслиги учун улар молларни брезент билан ўрашди.
Present Subjunctive асосан Америкада ишлатилади. Англияда эса ушбу шакл фақат расмий тилда (хуқуқий хужжатларда) сақланиб қолинган. Замонавий адабий ва сўзлашув тилида эса Present Subjunctive нинг ўрнига, одатда, инфинитив билан should бирикмаси ишлатилади.
§ 90. To be феълининг Past Subjunctive шакли – were қуйидаги холларда ишлатилади:

1. 
   ш а р т гаплар иккинчи турининг эргашган қисмида:
   

If he were here, he would help us. У шу ерда бўлганида эди, бизга ёрдам берарди.
If I were you, I would accept their offer. Ўрнингизда бўлганимда, уларнинг таклифини қабул қилган бўлардим.

2. 
   as if боғловчиси билан бошланадиган р а в и ш эргаш гапларда:
   

He spoke as if he were a specialist on the subject. У бу масаланинг гўёки мутахассисидек гапирди.

3. 
   wish феълига боғлиқ бўлган т ў л д и р у в ч и эргаш гапларда:
   

I wish he were with us! У биз билан бўлса эди!
Шарт майлининг барча шаклларидан were шакли кенг қўлланади, лекин кўпинча у 1- ва 3-шахс бирликда, асосан сўзлашувда, was шакли билан алмашинади: If he was here, he would help us.
Замонавий инглиз тилида сақланиб қолган шарт майлининг унча кўп бўлмаган махсус шакллари хам аста-секинлик билан ундан чиқиб кетмоқда.
Замонавий инглиз тилида исталган ёки фараз қилинган иш-харакатлар should, would, may, might феълларининг инфинитив билан бирикмаси орқали хам ифодаланади, бу билан ушбу бирикмалар хозирги замон инглиз тилида шарт майлининг вазифасини бажармоқда.


ЁРДАМЧИ ВА МОДАЛ ФЕЪЛЛАР


ЁРДАМЧИ ФЕЪЛЛАР (AUXILIARY VERBS)